Kooxda PSG oo ka codsatay madaxweynihii hore ee faransiiska Nicolas Sarkozy inuu ka caawiyo saxixa Arsene Wenger

Sport(Cakaara)Sabti Feb 23,2013.Kooxda Paris Saint-Germain ayaa xoojisay baahida ay u qabto macalinka naadiga Arsenal Arsene Wenger ,kaas oo ay badal uga dhigi doonto hogaamiyaha udhashay Talyaaniga Carlo Ancelotti .

Sida wararku sheegayaan PSG ayaa weydiisay isagoo daawanayay kulan ay ciyaartay kooxdaas madaxweynihii hore ee wadanka France Nicolas Sarkozy in uu ka caawiyo sidii ay ku heli lahaayeen macalkinka 63 jirka ah ee kooxda Arsenal. Jariirada Le Nouvel ee ka soo baxda France ayaa sheegtay in madaxweyne Nicolas Sarkozy uu xiriir saaxibtinimo oo asal ah uu la leeyahay tababaraha Gunners Arsene Wenger.

PSG ayaa aaminsan in Sarkozy uu Wenger ka dhaa-dhicin karo in dib uu ugu soo laabto wadankiisa hooyo hogaankana u qabto kooxda PSG.

Dhanka kale Tababare Arsene Wenger ayaa shalay sheegay in uusan waligiis ku fikirin in uu ka tago kooxda Arsenal uuna ku sugnaan doono waqooyiga London sanado kale una socon France.