Qalabkii Ugu Badnaa Abid ee Dhanka Dhismayaasha Wadooyinka iyo Buundooyinka oo uu Kusi-maha Madaxweynaha Ahna Madaxweyne Kuxigeenka DDSI Idmay in Loo Daad-Gureeyo Gobolka Nogob Xaruna Looga Dhigo Degmada Xamaro.

Jigjiga(CakaraNew) Isniin July 16,2013.waxaynu wada ogsoonahay in Qorshayaasha xukuumada DDSI ay qaybaha ugu waawayn ka yihiin Aslaaxida tayaynta Dhismayaasha Wadooyinka iyo iskuxidhka Buundooyinka Gbolka Nogob,islamarkaana la sugay yagleelida Shirkada Dhismaha Jidadka oo ka soo farcantay Xafiiska Jidadka DDSI laguna guulaystayin markii ugu horaysay loo Soo iibiyo Qalabkii ay ku hawlgali lahayd Shirkadu kuna baxday aduun lacageed oo kor u dhaafaya 500,000,000(shan Boqol oo Milyan) iyadoona Qalabkan wax yar oo maalmo ka dib la filayo mooyee badankoodii la soo tubay Gudaha Xarunta Madatooyada DDSI.

Hawlgalita Deg-degaah ee qalabkan ayaa Qayb muhiima ka ah Socdaalka Madaxweynaha DDSI Nolol iyo rajo-rumays uu ku soo maray todobaadkii hore Gobolka Nogob taasoo dhamaanba qalabkan todobaadkan loo rari doono Gobolka Nogob gaar ahaan Degmada xamaro oo noqon doonta xarunta ugu wayn ee laga hagi doono Hirgalinta Qorshaha Dhismaha mashaariicaha la xidhiidha Wadooyinka iyo Buundooyinka.

Hadaba Kusimaha Madaxweynaha Ahna Madaxweyne ku xigeenka DDSI Mudane C/laahi Yuusuf Weerar ayaa saaka shir ugu qabtay xafiiskiisa Maareeyaha Shirkada iyo 3ka mida Injineerada Shirkada oo gacanta ku hayay Dhismayaasha Mashaariic Wadooyin iyo Buundooyin laga Dhisayo Gobolka Nogob bilaabeena xiligii ay Xafiiska Jidadka DDSI ka shaqayn jireen,islamarkaana Socdaalka Madaxweynaha ee Nolol iyo Rajo-rumays ku mutaystay Abaal-marino ka dib markii Madaxweynaha iyo waftigu arkeen heerka waxqabadkooda.

Mudane C/laahi Yuusuf Weerar ayaa ka faalooday Ujeeooyinka ugu waawayn ee ayxukuumada DDSI ka lahayd aasaasida Shirkadan iyo Iibka Qalabkan carabaabayna in dhamaanba qalabkan loo daad-gureeyo Gobolka Nogob oo ay ka jirto Deegaanada qaar dibudhac Dhanka wadooyinka laguna soo ebyo mudo gaaban iskuxidhka guud ahaanba Degmooyinka Gobolka Nogob iyo Gobolada Deriskala ahba.

Dhanka kale Kusimaha Madaxeynaha Mudane C/laahi Yuusuf Weerar ayaa Idmay in Beri galinka danbe lagu qabto Munaasabada Xil wareejinta Qalabkan oo lagu wareejin doono Shirkada Dhismaha Jidadka DDSI Si durba ay uga Hawlgalaan Gobolka Nogob oo markii ugu horaysay Qalabkii ugu badnaa abid ka hawlgali doono.

Fari kama Qodna Himilooyinka iyo Saadaasha Socdaalka Nolol iyo rajo-Rumays Caawana waxaa lagu Furay Degmada Iimay- Bari.

Iimay-Bari(CakaaraNews) Isniin July 15,2013.waxaa hubaala in aynu kawada dheregsanahay Saadaasha iyo Himilooyinka Socdaalada Gun iyo Baar ee uu madaxweynuha DDSI ku bartilmaamedsanayo Dhugashada taakao kasta oo ka mida deegaankakuna nool yihiin Shacabka DDSI Natiijooyinka ka dhashana Degdegsiimo ku wada maansheeyay Bulshada Diiftu ka muuqatay Horaa loo yidhi "Bariidaba Waa Sad",islamarkaana Shacabka qaarba ula baxeen Socdaalada Magacyo baraad Li'i uga marag kacaya Arwaada Quluubtooda Dhadhansaday Neecawda Nololeed ee ka dhashay Houmarka Baaxada wayn ee daran dooriga ah iyo taabogainta Qorshayaasha Xukuumada Dhinacyada Horumarka,N/galyada iyo Maamulka suuban kuwaasoo uu dhamaantood hirgalintooda uu Diirada ku hayo madaxweynaha DDSI Mudane Cabdi Maxamuud Cumar.

Qaar ka mida Shacabka Deegaanka ee Dhadhansaday maxsuulka ka dhasha Booqashada Madaxweynaha ayaa natiijada ugu yeedha ama ku tilmaansaday dal- daweeye,Iftiin iyo Kaaha ama ilays,rajo-rumays,Nolol Askume,Neecaw Caafimaad,sama-wade,Rooble,Daacad,Dulmi-diid,Horseede,Mideeye,Qaran-Doon iyo Magacyo kale.

Sidoo kale Qurbajoogta ka soo jeeda 9ka Gobol ee uu Deegaanku ka kooban yahay kuna Dhaqan daafaha Dunida kana qoqobnaan jiray Deegaanka,ehelkood iyo qoysaskoodii ayaa helay fursad yididiilo dhaxlsiisay ka dib markii uu albaabka ku garaaceen Madaxweynaha iyo xukuumadiisa Booqashadii ay so gaafwareegeen 5ta Qaaradood uguna baaqay Qurbajoogta Fagaarayaal wada-tashi,Dhiilo Nabadeed iyo Buuxinta Doorka kaga aadan Horumarka,N/galyada iyo Maalgashiga taasoo kalsooni buuxda galisay Qurbajoogta natiijadii ka dhalatayna noqotay Qulka raxan-raxaneed mid kastaana u guntaday buuxinta Doorka kaga aadan Maalgashiga,Horumarka,N/galyada iyo maamulka-suuban.

Shaki kuma jiro in aynu maankena kuwada hayno in xukuumada maanta jirta ee uu hogaankeeda hayomadaxweyne Mudane CMC in ay guntiga dhiisha iskaga dhigtay kor u qaadida heerka nolosha shacabka deegaanka,islaamarkaana sugtay Astaynta lagu suntay Qorshayaasha Xukuumada DDSI eeSanadlaha ah,Bilaha,Todobaadlaha iyo Qorshaha 5ta Sano ee Kobaca Dhaqaale kuwaasoo dhamaantood u dhaqn galay ama socda sidii loogu talo galay,suurto galiyayna natiijo horumarineed oo aasaas u noqotay Yididiilada Nolosha shacabka kuwaasoo dhamaantood suurto galiyay Dhamaanba adeegyada aasaasga iyo kaabayaasha dhaqaale.

Caad inagama:- saarna Socdaalada Madaxweynaha DDSI iyo Xukuumadiisu ugu heenyaysteen u kuurgalida xaalada Nolosha shacabka Deegaanka uguna cawo baryaan Xaqiijinta hirgalka adeegyada Horumarineed in lagu xaqiiqsaday Doorka ka qaybgalinta bulshada Qoshayaasha Horumarineed taasoo diirada lagu saaray ka haqabtirida Baahiyaha aasaasiga iyo Helida adeegyada bar-bilowga u ah nolosha sida biyaha,waxb,caafimaadka,wadooyinka,isgaadhsiinta,korontada iyo Fursadaha koboca dhaqaale.(Maankagana ku Xaji in Xukuumadu sanadkii Dhamaaday ay Biyaha Dhulka Hoostiisa ka soo tuurtay Ceel-biyoodkii ugu Dheeraa Sida Degmada marsin iyo Degmada Xarshin oo Durduurtay Helida Biyo Nadiif ah).

ka sakow natiijooyinka horumarineed ee ay bulshadu ka dhaxashay socdaalada madaxweynaha iyo Qorshayaasha xukuumadaba,qormayadayadii ugudanbaysayayaynu wada dheehanay muuqaal koobayay taxanaha silsilada Socdaalka madaxweynaha DDSI iyo waftigiisu ku gaafwareegayaan Gobolada,faafan,Nogob iyo Shabeele.

Dulucda Qormadayadan ayaa ku Astaysan bal aynu ka sii yara ruqaansano halkii inoogu wada danbayay ama ku ogayn Madaxweynaha DDSI iyo waftigiisa oo ay xalay baryeen Magaalada Xarunta Gobolka Shabeele ee Godey. Saaka ayaa ay madaxweynaha DDSI iyo masuuliyiintii ku lamaanaydbaa ay u Ruqaansadeen Toobiyaha wadada Dhanka Gobolka Afdheer iyagoo tuulooyinka ay sii marayeen ku sii hakaday saacado shacabkii tubnaa wadooyinka awgeed. waxay kolba Tuulo,Beel ama safar wadada hayayba ku hakadaan waftiga ayaa ugu danbayn kufuray Magaalada Iimay-Bari ee xarunta u ah Degmada Iimay-bari ee Gobolka Afdheer.

la soco hayaanka Socdaalka Nolol iyo rajo-Rumays Qaybaha Xiga.

Ka Bogo Silsiladii Socdaalka Taariikhiga M/Waynaha ee ILAYS & IFTIIN iyo NOLOL & RAJO_RUMEYS.

 

Sida la wada ogsoonyahay iyadoo xukuumada eega ka arimisa Degaanka ay xooga saartay kor uqaadidda kaabayaasha dhaqaalaha,hormarinta adeegyada aas-aasiga ah ayaa hadana waxaa qorshayaasha hormarineed halbowle looga dhigay la tashiga iyo la kulanka  shacabka sida ku cad socdaalada dal iyo dibadba leh ee madaxda DDSI ay ku gaarayaan bulshada ku dhaqan guud ahaan tuulooyinka degaanka iyo kuwa waliba ku dhaqan dalka dibadiisa iyadoo Madaxweynaha DDSI mudane Cabdi Maxamuud Cumar iyo wafuud uu hogmaaniyana ay gaareen Shanta qaaradood ee aduunka, sida aad kala socoteenba warbaahinta sidaasi awgeed waxaan qormo qoraaleedka aan idin ku soo gudbinaynaa taako taako halka lagu marayo socdaalkan loogu magac daray Nolol & Rajo-Rumeys.

 

 

 

                         

Socdaalkan ayaa waxuu 29kii bishii Tobnaad ee Saney ka soo bilaabmay magaalada jigjiga iyadoo waftiga heer federaalna ay wateen diyaarad khaas ah oo helicopter ah oo ay ku yimaadeen magaalada fiiq si ay xadhiga ooga jaraan mashruuca laydhka 24ka saac ah ee magaalada Fiiq kaas oo ah mashruuc leh quwad koronto oo dhan 132kv awoodana in uu laydhgalin u sameeyo tuulooyinka iyo degmooyinka dhaca 100km oo jiha walba ka ah magaalada fiiq ee xarun goboleedka Gobolka NOGOB ee ILAY IYO IFTIIN loo baxshay .

 

 

 

                          

Mashruucaas oo xadhiga si wada jir ah ooga jareen Madaxweynaha DDSI Mudane Cabdi Maxamuud Cumar iyo Wasiirka Biyaha Tamarta iyo macdanta ee JDFI Alamaayuu Tagne oo hogaaminayay waftigii dowlada dhexe ka socday.

 

Waxuuna waftigaa Dowlada dhexe kasocday ay isla maalinkaa sabtida ahaydba ay ku laabteen Magaalada Adisababa maadaama ay wateen  Diyaarada helicopter ah.

 

 

 

Subaxnimadii Axada abaarihii 7:30 oo bsiha tobnaad ee Saneyna ahayd 30 ayaa loo anbabaxay dhanka degmada Xamaro taas oo ahayd bilowgii socdaalkan taariikhiga ah ee la magac baxay NOLOL IYO RAJO-RUMEYNTA SHACABKA EE DHANKA ISKU SOCODKA DADKA,DUUNYADA IYO GAADIIDKA. Waxaana socdaalka oo uu hogaaminayay M/W DDSI Muaden Cabdi Maxamuud Cumar ku wehlinayay M/w kuxigeenka ahna wasiirka hormarinta magaalooyinka iyo warshadaha iyo masuuliyin isugu jiray wasiiro iyo gudoomiye Goboleedyo.

 

 

 

                                    

Socdaalkan oo dhulka la marayay ayaa waxuu ahaa mid waftiga isu taagay shacabka wadooyinka sii taaganaa ee ku dhaqan Tuulo kastoo wada waftiga u hayo ku taalay waxaana tuulooyinka la maray ka mid ahaa HODANWEYNE , QUDHAC MAYDAL JIDHACLE, iyadoo duhurnimadkii islamaalinkaa axadda ahaydna la gaaray tuulada HAAR-DHAGAX halkaas oo uu M/W kula hadlay shacabka tuulada iyadoo tuulo walba oo lasoo marayna uu waftiga la qaadanayay qaybaha kala gedisan ee bulshada wada hadal iyo wadatashi labo geesood ah.

 

     

 

                            Socdaalka waftiga ayaa inta kadib ka beedhay wadadii jayga ahayd iyagoo u leexday dhanka toga caanka ee ERER, si ay usoo hubiyaan wadada dowlada ka sameesy sanadkan halkaa ee isku xidhaysa demooyinka XAMARO iyo QUBI, wadadaas oo si ka yaabisay waftiga loo sameeyay , ayaa mudan in la xuso dhibaatadii wado la’aneed ee xalka loo helay ee ay kamid ahayd in  wax kale iska daaye uusan qof iyo neef xoolo ah uusan ka talaabi kari jirin togas EREREED wadada kaliya ah ee bulshada labadaas degmana ay ahayd in la ga soo wareego  dhul dheer oo ahaa in lasii dhex maro Degaanka OROMIYA taas marar badan keeni jiraty isku dhacyo qowmiyadeed balse arintaas eegga waa dhibaato laga gudbay oo waftiga ayaaba baabuurtooda ku talaabay togan ERREREED.

 

 

 

Waftiga oo aad ugu qancay xeelada iyo farsamada wadan ayaa damcay in ay gaaraan ilo biyeedka sida dabiiciga ah u burqanaya ee loo yaqaan DABALA’ inkastoo dadka reer-miyiga ah ee aagaasi aqoonta u leh ay ooga digeen waftiga in gaaridda Dabale aan gaadiid lagu tagi karin oo ay ka sokeeyaan jid mar holac ah maadama ilaa iyo shan jiirood oo fanasho u baahan Jiir Geelna ka mid tahay.

 

 

 

 balse taasi ma quusinin waftiga oo waxay jiiro jeexaan oo ay ka dhaadhacaanba waxay is dul taageen oo ay durduurteen biyo dhigii ilo biyoodka DABALA’ iyadoo waftiga ku qaadatay gaaridda Dabale ugu yaraan 7 saacadood oo lugah, dhul wada qow ah oo cirka un banaanyahay oo sii socod iyo soo socod ba ah.

 

 

                                 Intaa kadib ayuu waftiga casar gaaban usoo caraabay dhanka degmada Xamaro iyadoo degmada Xamarana lasoo gaaray xili fiid hore ah abaarahii 7:00  fiidnimo waxuuna waftiga habeenkaa baryay Degmada Xamaro.

 

 

 

Maalinimadii isniinta oo bisha koob iyo tobnaadna ee hamlana ay kow ahaydna shir uu M/W la yeeshay qeybaha kala gadisan ee bulshada Xamaro kadibna abaaro 9:00 barqanimana loo sii dhaqaajiyay dhanka Tuulada Gasaangas iyadoo la sii maray Tuulada DHURWAALE.

 

 duhur hortiiba waxaa la gaaray Gasaangas oo shacabkeeda ay sii tubnaayeen labada dhinac ee wadada soo dhaweyn diiranna kala horyimid waftiga ,wada hadal gaaban oo uu M/W DDSI Muadne Cabdi Maxamuud Cumar la yeeshay reer Gasaangas kadibna la wajahay dhanka Geel doox, iyadoo la sii maray tuulada Darida waxaana loo leexday dhanka Geeldoox gaar ahaan halka uu Toga Daakhato ooga daro Wabiga shabeele, halkaas mashruuca dhismaha wado iyo buundo  laga sameeynayay uu ka socday,  balse wada tashi lala sameeyay shacabka iyo isla qaadaa dhig  badan kadib waxay ka fursan wayday in lagu laabto oo la baryo tuulada gasaangas si wadatashi iyo daraasadeyn dheeraad ah loogu sameeyo halka laga taagayo buunada isku xidhaysa Xamaro iyo degmooyinka Lagahida iyo Salaxaad .

 

 

 

Subaxnimadii  bisha Hamle 2 ahayd latashi la la smeeyay odayaasha degaanadana loo dhaqaaqay dhanka Hilada Waangey oo Tuulada Gasaangas u jirta ilaa iyo 63km oo 23km oo kamid ah ay u baahantahay in la lugeeyo sida ay waftiga ku wargaliyeen odayaasha aqoonta iyo waayo aragnimada durugsan u leh dhulkan , waxayna kolonyadii baabuurta ahayd watiga sii  boodheeyaanba waxay is dul taageen Qowga Dulgaduud iyagoo soo jaray masaafo dhan 40km balse intaa kadib ay noqotay in la cageeyo si loogu dhaadhaco hilada Waangay ama darmadi Wabi shabeele iyo Toga Dhaaroole oo ahTog dhex mara Degmada Lagahida.

 

 

 

 

                                       Ugu yaraan 3 sadex saacadood ayayna waftiga ku qaadatay in ay gaaran Darmida Waangey iyadoo laga dhaadhacay Ganba xoor iyo jiirta JIIR ADHI  halkaas oo waftiga duqeyda dhulka aqoontiisa ku xeeldheer ay isla go’aamiyeen in buundada laga dhigo darmida waangay taas oo ahayd go’aan si wada jir ah loo gaaray rafaad badan kadib ,

 

 

 

 

 

Casar dabadii ayayna ahayd markii loo soo jeesstay dhanka qowga dul gaduud oo ah halkii duhur dabadii looga soo tagay wixii gaadiid la watay daal iyo dihaal badan oo uu keenay qowyada lasii tafayay ayaa  sadex saacadood kadib abaaraha 7dii oo daqiiqada la’ uu soo gaaray waftiga dusha dulgaduud iyagoo itaa kaidb loo soo jeestay dhanka Tuulada Gasaangas 9:30 kii fiidnimo ayaana gasaangas guure lagu soo galay taas oo  ka dhigaysa in Gasaangas waftiga uu u hoyday labo habeen.

 

 

 

 

3dii bisha hamle ayuuna waftiga ka soo anbabaxay  tuulada Gasangas iyadoo lagu sii jeedo dhanka degmada Dhuxun, Tuulada Dari markii la dhaafay ayaana wadada jayga ah laga leexday waxan lagu hakaday oo la hadhgalay tuulada barmiil iaydoo alsii maray tuulooyinka kala ah Gansaaley iyoJajabe.

 

                    

 

                  Iyadoo halkasna uu ka dhacay kulan balaadhan oo ay yeesheen waftiga M/W hogaaminayo iyo bulshada barmiil kaas oo looga wada hadlay arimaha danta guud ee umada sida nabadgalyada hormarka iyagoo bulshada dhankooda soo jeediyay baahiyahooda u baahan waxqabadka xukuumada taas oo uu waftiga qaatay balan qaad uu ka smaeeyay waxqabadyadii la codsaday.

 

 

 

waxaana intaa kadibna xilli maqrib ku dhow uu waftiga usii socdaalay dhanka degamada Dhuxun,Iyadoo la  sii qaaday wado dayactir badan u baahan jarayna dhul daaqsimeed dibir iyo suubaan isugu jira waxayna waftiga sidoo kale sii mareen marinka caanka ah ee IRIDDA  loo yaaqaan halkaas oo ah bilowga buuraha caan baxay ee QARI JIQOOD .

 

 

 

Saacada oo8dii fiidnimo daqiiqado waydaaratay  ayaana la galay Degmada Dhuxun iyadoo shacabka ay xiligaas soo dhaweyn lasii tagnaayen duleedka magaalada dhuxun habeenkaasna waxaa loo hoyday degmada dhuxun .

 

 

 

4tii bisha ayaa ku bilaabmatay kulan balaadhan oo uu M/W la yeeshay shacabka Degmada Dhuxun ayaana wada cagta la soo saaray islamarkaana loo jeestay dhanka Degmada Garbo ee Gobolkan Nogob.

 

 

 

 

 

Waxaa sidoo kale lagu hakaday oo kulamo wada tashi ah lala yeeshay shacabka ku dhaqan tuulooyinka kala ah Daarisalam Dharmaajaleey ama qar gibil iyo Tuulada uu ku  yaalo ceelka caanka ah ee Malayko , maqribnimadii maalinkaas  ayaana lagu soo hoyday magaalada camiran ee Garbo .

 

 

 

socdaalkan loogu magac daray nolol iyo rajo rumeynta shacabka ee dhanka isku socodka dadka ,duunyada iyo gaadiidka oo loog gol-lahaa sidii xukuumada ula kulmi lahayd shacabka ku dhaqan tuulooyinka iyo duddooyinka degaanka ayaa waxuu ahaa mid kulan balaadhan uu ka dhacayay Degmo kastoo socdaalkan lagu maray.

 

 

 

 

 

Degmada Garbana waxaa ka qabsoomay sidoo  kale mid ka mid ah kulamadan wadatashiga bulshada ah.

 

 

 

 5tii bisha hamle kulankaas kadib ayaa waxaa Garba laga sooo aaday dhanka Degmada Dhanaan iyadoo la soo maray tuulooyinka kala ah Sanxaskulaha dhariineed, yoocaalaha garbo, Marameydh iyadaoo in taa kadibna lagu soo baxay bankii Habaar waalid bankaas oo ay is dhex daaqayeen ugaadh aad u tira badan iyo xoolo kala duwan maada uu banka cosb ku ahaa daaq bilcsan oo aan ka carabaabi karo boqorka daaqa xoolaha ee loo yaqaano dareemada,ka hor in ta aan la soo gaarin tuulada Higlalala  biir oo ah degaanta ugu horeesay ee aan u ka soo galay Gobolka shabeele.

 

 

 

waxaa sidoo kale waftiga uu ku hakaday shacka ku noolna ay wada hadleen tuulada Burqa-yar iyadoo maqribnimana lagsoo baxay tuuladaasi  Burqa-yar lana soo agaray abaaraha  8dii fiidnimo tuulada shiniile ee usoo xigta magaalada Dhanaan, halkaas oo ay shacabka sii sugayeen waftiga wafigana uu u sheegay in lagu soo laaban doono subaxnimidkii uuna sii watay safarkiisa iyadoo magaalada dhanaan ee xarunta degmada dhanaana la gaaray oo guure lagu galay xili saacadu daba martay 9kii fiidnimo.

 

        6dii bishan hamle ayuu  waftiga ilaa 10kii barqanimo waftiga kulan balaadhan la qaatay bulshada magaalada Dhanaan kadib  isu kala qeybiayay in uu kala dhaqaaqo tuulada Shiniile oo sida balantu ahayd ahaa in lagu laabto, iyo dhanka degmada cusub ee Ceelweyne halkaas oo waftiga badidii uu u ruqaansaday , ceelweyne ayuuna waftiga gaaray duhur horaba iyadoo lasii maray tuula qorra , M/W ayaana magaalada Ceelweyne  kula hadlay shacabka degmada Ceelweyne oo aad ugu faraxsanaa in M/W degaanka soo gaaro kulankaa kadibna ayuuna M/W booqday laagta ceelweyne oo ah halka loogu magac daray degmadan Ceelweyne iyo qarrida loo yaqaaan Qari Daanyeer.

 

Ceelweyne oo kamid ah degmooyinka cusub ayaa baaxada dadka degay iyo dhismayaasha degaamaynta marka aad eegto waxay tahay degmada ugu xowliga badan dhanka kobaca .

 

 

 

 waftiga ayaan inta kadib casar gaaban usoo anbabaxay dhanka magalaada Goday ee xarunta Gobolk SHabeele iyadoo wada laamiga ah laga soo fuulay magaalada Dhanaan xili maqrib ah habeenimana la soo maray tuulooyinka laamiga saaran ee u dhaxeeya Dhanaan iyo Goday oo kala ah IJIID HADHAAWE, CILAANLE  iyadoo also gaaray magaalada Godayna abaaraha 8dii fiidnimo

Subaxnimadii bisha hamle 7 ahayd ayuu M/W DDSI Mudane CMC ayaana la kulmay Odayaasha Gobolka Shabeele Gaarahaan waxgaradka iyo odayaasha Ismaamulka IYO Degmada Goday halkaas oo uu si kooban ugu soo bandhigay warbixnta labadii socdaal oo faahfaahsan, iyadoo odayaashana dhankooda aad usoo dhaweyay socdaalada M/W kuna tilmaamay socdaalkan M/W lug iyo baabur uu waftiga kusoo GUUl taariikhi ah iyo Geesinimo ay Xukuumadda DDSI muujisay .

Isku soo wada duuboo odayasha warbixinta dhuuxay ku sheegen in yahay mid socdaalka ayaa dhabar-jab gunaanad,iyo mar aka qaad ku yahay ururka ciyaarta ka fadhiistay ee UBBO gaarahaan QOOBWEYNTA UBBO ee qurbaha ku nool iyo maamuladii fadhiidka iyo dulsaarka ahaa ee degaanka ka soo jiri jiray. Iyadoo arimaha gaadhka ka dhigaya socdaalka ay yihiin in uu ahaa mid lug iyo gaadiid habeen iyo maakin lagu maray 35 tuulo oo kamid gobalada Nogob iyo Shabeele,iyo waliba masaafo dhan 958km.

Waxuu socdaalkan kusoo beegamayaa bisha ramadaan iyadoo la soomanyahay,

dhanka kale waxaa sidoo kale gaadhka ka dhigaya ayaa ah in dhamaan magaalooyinka loo hoyanayay lagu soo galayay guure saq dhexe.

 Iyadoo 8 bshan oo bari ahna uu waftiga usii jeesan doona dhanka Gobolka Afdheer gaar ahaa waxaa lagu horeenayaa degmada Raaso ee Gobolkaas Afdheer.

 

Gabadh uu Tababare u Yahay Cabdi Bile Oo Bilad Dahab Ah Ku Guulaysatay Iyo Dawladda Imaaraadka Carabta Oo U Riyaaqday.

Bombay(CakaaraSport) Axad July 13,2013.Gabadh uu tababare u yahay Tababare Cabdi Bile Cabdi oo ka mid ah Macalimiinta loogu jecel-yahay Dalka Imaaraadka Carabta ayaa ku guuleysatay Bilad Dahab ah,iyadoo gashay kaalinta Koowaad ee Tartanka Ciyaaraha ee Asian-Athletics oo ka dhacay Dalka Hindiya.

Gabadhan ayaa haysata Jinsiyada Imaaraadka Carabta balse asalkeedu ka soo jeedaa dalka Itoobiya laguna magacaabaa Betineh Desalegn.

Dawladda Imaaraadka Carabta iyo Shacabka dalkaas ayaa amaan u soo jeediyay Macalin Cabdi Bile Cabdi oo markiii ugu horeeyay taariiklhda Gabar Imaaraadii u dhalatay ay Kaalinta koowaad kagasho Ciyaaraha Asian-Atlethics.

Duuliye Sare Asli Xasan Cabaade(Calan Saxa) oo Guud Ahaan Musliminta Gaar Ahaaa Shacabka DDSI ugu Bishaaraynaysa Bisha Barakaysan ee Ramadaan Ka Faaiideysigeeda.

USA(CakaaraNews) Axad July 14,2013.Duuliye Sare Calan saxa ayaa Guud ahaan Muslimiinta Gaar ahaana Shacabweynaha Muslimiinta Itoobiya ugu bishaaraynaysa ka faaiidaysiga Fadliga,Ajarka iyo Xasanaadka ay ku fadhido Bisha barakysan ee Ramadaan Tidhina:-Walaalayaal, waxaa inoo bilaabatay Bishii Fadliga iyo Khayrka badan xambaarsaneyd ee Ramadaan, ahna Bil uu Ilaahay (s.w.t.) ka fadilay Bilaha kale.

waa Bil mudan in laga faa'iideysto oo lala yimaaddo cibaado dheeraad ah, mana ogid inaad Bisha dambee Ramadaan aad nolol ama caafimaad-qab ku gaadhi doontid, haddaba Ruux walboo Muslim ah, waa inuu ka faa' iideystaa Bishan barakeysan ee Ramadaan. Waxaana ku jira faa' iidooyin farabbadan oo aan qoraal lagu soo koobi kareyn.

ruuxii ay soo marto isagoo caafimaad qaba oo haddana ka faa' iideysan waaya, waa ruux hoogay oo khasaaray (Wal Ciyaaddu Billaah). Walaalka Muslimka ahoow, fursado badan ayey leedahay Bishan barakeysane, yaaney ku seegin faa' iidadeeda.

Bisha Ramadaan waa Bisha la soo dejiyay Kitaabbada kuwa ugu fadliga badan oo lagu soo dejiyay Nabiyada kuwa ugu fadliga badan (Nabadgelyo iyo Naxariis korkooda Allaha ka yeelee), waxaana Kitaabbadaasi ka mid ah Kitaabka Qur'aanka Kariimkawaxaana si gaar ahaaneed loo soo dejiyay Habeenka Fadliga iyo Khayrka badan ee (Laylatul-Qadri) ga loo yaqaan.

Bisha Ramadaan Albaabbada Jannada ayaa la wada furaa, kuwa Naartana waa la wada xidhaa, Shayaadhiintana waa la wada katiinadeeyaa oo la xabbisaa illaa inta ay ka dhammaaneyso Bisha Ramadaan. Sidoo kale Bisha Ramadaan wuxuu Ilaahay (s.w.t.) ku dhex qariyay Habeen ka fadli badan kun bilood, taasoo macnaheedu yahay in Habeen kasta cibaada iyo Alla-bari lala yimaaddo oo aan la caajisin, si Habeenkaasi oo ka khayrka badan Kun Bilood, aanu ku seegin oo aadan hawl Adduunyo uga mashquulin.

Habeen walba oo ka mid ah Bisha Ramadaan, Ilaahay (s.w.t.) waxa uu Naarta ka xoreeyaa dad farabbadan oo Ahlu-Naar loo qoray (Wal Ciyaaddu Billaah), marka waxaa loo baahan yahay in Tawbad-keen iyo Dambi-dhaaf lala yimaaddo, oo laga faa' iideysto Bishan Qaaliga ah, waxaadna ogaataa in Bisha Ramadaan la-labo jibbaaro Ajarka, taasoo ah fursad aan mar waliba la heli karin. Haddaba ogsoonoow Soonku waa Tiirka Afaraad ee Shanta Tiir ee Islaamka, wuxuuna ka mid yahay cibaadooyinka kuwa ugu fadliga badan ee Allaah (s.w.t.) Ummaddiisa u soo dejiyay.

Qof waliba oo Muslim ah, waa inuu ogaadaa in Bisha Ramadaan ay tahay Bil Khayr iyo Baraka badan ku duugan-tahay, haddaba nafteyda iyo naftiinnaba waxaan kula dardaarmayaa in fursadda Qaaliga ah ee ina soo martay, aan ka wada faa' iideysanno oo aaney inagu dhaafin cayaar iyo hawla Adduunba, inshaa' Allaah. AAMEEN

Madaxweynaha DDSI iyo Waftigiisii Oo saaka Tegay Degmada Cusub ee Ceel-Wayne Kuna Soo Noqday Caawa Magaalada Godey.

Ceel-wayne(CakaaraNews) Sabti July 13,2013.Socdaalkii Madaxweynaha DDSI ee loogu Magacdaray Nolol iyo Rajo-rumaynta isu-socodka Dadka,Duunyada iyo Gaadiidka ee Bulshada ayaa saaka u heensaystay Dhanka Degmada Ceel-wayne halkaas oo ay Dhamaanba Qaybaha Shacabku si Diiran ugu soo Dhaweeyeen iyagoo masaafo dheer kaga hor yimid Waftiga.

Madaxweynaha Ayaa fagaare kula hadlay Qaybaha Shacabka ee xarunta Degmada Ceel-wayne islamarkaana xog ka siiyay Qorshayaasha xukuumada ee ku adan Mashaaricaha Horumarineed ee Degmada Ceelwayneiyadoona halkaa loogu qaybiyay dawooyinka Xooaha iyo dadka oo ay hawlwadeenada Caafimaadka ee la socday waftigu siinayeen sidoo kalana la siiyay tabaro la xidhiidha Dawaynta iyo Talaalka.

Dhanka waxgaradka ayaa aad ugu mahadnaqay Booqashada madaxweynaha iyo waftigiisu ku yimaadeen Degmada Ceelwayne iyo mashaariicaha xawliga ah ee ay Xukuumadu ka Taabogalisay sanad-miisaaniyadeedkii Dhamaaday kuwaasoo ay ka mid yihiin Dhismayaasha Xarunta Caafimaadka,waxbarashada,Xafiisyada dawlada Heerarkooda iyo Mashaariico kalaba. Madaxweynaha iyo waftiga ayaa Booqday Dhamaanba dhismayaasha Mashaariicaha Horumarineed ee ka Socda magaalada Xarunta Degmada Ceel-wayne kuwaasoo ay Dhamaantoodba Gebo-gebo marayaan Dhismayaasha Mashaariicaha Xafiisyada maamulka Degmada,xarun Caafimaad,Dugsiga Waxbarashad iyo Kuwo kale.

Sidoo kale Madaxweynha iyo waftigiisa ayaa Intii ay ku sugnaayeen Ceel-wayne booqday Laagta Ay caanka ku tahay Ceel-wayne ee lagu magacaabo Laagta Gabi-daanyeer oo Ay raxan raxan daanyeero ah ku nool yihiin.

Isku soo Wada Soohoo waftiga ayaa Casar gaabadkii ka soo gadoomay Degmada Ceel-wayne iyagoo cagta soo saaray Wadada Toobiyaha u ah Magaalada Godey halkaasoo ay Caawa Si heer sare ah ay madaxweynaha DDSI Mudane Cabdi Maxamuud Cumar iyo waftigiisa ugu soo dhaweeyeen magaalada Godey Qaybaha Shacabka,Maamulka Gobolkaa shabeele iyo Maamulka Degmada Godey.

Wixii ka soo kordha Joogitaanka Madaxwnaha iyo waftigiisa magaalada Godey iyo Kulamada ay qaban doonaan ha ka fogaan Cakaaranews ayaa Durba idiin soo daabici doonta.

More Articles...

  1. Shirkada ACE oo Aalada ka faaiidaysiga Tamarta Dabiiciga ee Biyaha Soo Tuura Ka Hirgalisay Tuulada Qudhac Mataan ee Degmada Gursum.
  2. Socdaalkii Madaxweynaha iyo waftigiisa ee Socdaalka Nolol iyo Rajo-rumaynta isu-socodka Dadka,Duunyada iyo Gaadiidka ee Bulshada oo Ku Sugan Xarunta Degmada Dhanaan ee Gobolka Shabeele(Sawiro)
  3. Qurbajoogta Ka Soo Jeeda Beesha Bahgari ee Ku Dhaqan Sweden oo Bogaadisay Socdaalka Madaxweynaha Horumarka,N/galyada iyo Maamulka Suuban ee Ka Askumay DDSI.
  4. Qaar ka mid qurba joogta ka soo jeeda Gobolka Faafan oo Dhagax Dhigay Dhismaha Jaamacad Laga Hirgalin Doono Magaalada Qabri-bayax Booqdayna Degmooyin iyo Tuulooyin ka Tirsan Gobolada Faafan iyo Jarar.
  5. Socdaalkii Madaxweynaha DDSIee La Magac Baxay Ilays iyo Iftiin oo Galay Maalintii 5aad iyo Xarunta Degmada Garbo oo Caawa Ku Sugan Yihiin.
  6. Socdaalkii Ilays iyo Iftiin ee Madaxweynaha DDSI oo oo Galay Maalintiisii 3aad iyo Barmiil,dhuxun iyo Xamaro.
  7. Xafiiska Gaadiidka,Ganacsiga iyo warshadaha DDSI iyo Maamulka Magaalada Jigjiga Oo Kaashanaya Shirkada Raashinka Alla-Aamin Oo Qiime Dhis Ugu Sameeyay raashinka dadka Danyarta Ah fadliga Bisha Ramadaan Awgeed.
  8. Qurbajoogta Waqooyiga America ee Ka Soo Jeeda Gobolka Nogob oo BAAQ,HANBALYO IYO BOOGAADIN U Soo Diray Socdaalka Loogu Magac daray ILAYS IYO IFTIN EE Maxweynuhu Ku Tegay Gobolka Nogob.
  9. 4-Xiddig Oo Bayern Ah, Messi & Ronaldo Oo Hogaaminaya Musharaxiinta Abaalmarinta Xiddiga Sannadka Qaarada Yurub.
  10. Ogaysiis:Maamulka Websiteka Nogob oo Macaamiishiisa Ogaysiinaya in Websiteka Ay farsamo Ku Socoto Kuna Soo Noqon Doono Hawada Maalmahan.
  11. Madaxweynaha DDSI oo Ku Guda Jira Socdaalkiisii Ilays iyo Iftiin Ayaa Guud ahaan Muslimiinta Dunida iyo Muslimiinta Itoobiya ugu Bishaareeyay Fadliga Bisha Barakaysan ee Ramadaan.
  12. Qalinjabinta Dufcadii 10aad ee Kuiyada Beeraha Godey oo Ay ka qalinjabiyeen Arday Dhan 209 Arday.
  13. David Villa oo Mustaqbalkiisa Mugdi La Galiyay.
  14. Geeri Arooskeed Aas Heer Qaran oo Maanta Lagu Xabaalay Marxuum Boqor C/laahi Boqor Muuse Magaalada Qardho.
  15. Wafti balaadhan oo uu Madaxweynuhuhu Hogaaminayo iyo Madaxweynaha oo Xadhiga Ka jaray laydhka 24ka Saac ee magaalada Fiiq Looguna Magac daray Socdaalka Ilays iyo Iftiin..
  16. Maydkii Marxum Boqor C/laahi Boqor Muuse oo Diyaaradii Waday Ay Soo Cagadhigatay Magaalada Qardho iyo Maanta oo AAs Qaran Loogu AAsi Doono.
  17. Xaflada Xidhitaanka Dugsiyada Degmada Baabili ee Gobolka Faafan oo Abaalgud Lagu Gudoonsiiyay Ardaydii Kaalimaha Hore Gashay.
  18. Deegaanka Soomalida oo u Noqday hormuud waxqabadka qurbajoogta ee itoobiya
  19. Man-City Oo u Hanqaltaagaysa Ciyaaryahan Pepe
  20. Kuliyada caafimaadka ee jigjiga oo ay galabta ka qalin jabiyeen in ka badan 759 arday Kana Soo Qaybgaleen Madaxweynaha DDSI iyo Wasiiro
  21. Shirwaynihii horumarka,n/galyada iyo maamulka suuban ee gunaanadka gababagaynta UBBO oo maanta la soo gabababeeyay.
  22. Safarkaygii Jigjiga : Degaan Nabad ah, Hogaan daacad ah iyo Dadweyne Isku-Duuban waa Mid ku Dayasho mudan!
  23. Ila Qosol:- Sheeko Dhab ah oo Dhex Martay Aabo Aan Waligiis Shaqaysan iyo Gabadh uu Dhalay..
  24. Ninba Waa Markiisee Mus Ma Kula Koray Serena oo Looga Dacareeyay Koobka Horyaalka Tenniska ee Wimbledon.
  25. Munaasabada Qalinjabinta Ardayda Jaamacadaha Dalka ee Puntland ee Deeqda Waxbarasho Ka Helay DDSI oo Ku Qalinjabin Doonaan Hoolka Shirarka SMCX Jimcaha Galinka Danbe.
  26. Shirwaynihii Horumarka N/galyada,maamulka suuban ee Gunaanadka iyo Gabagabaynta Hagardaamadii UBBO oo Galay maalintii 2aad.
  27. Dawlada Ingiriiska(UK) oo Gabi Ahaanba Ka Mamnuucday Dalkeeda Isticmaalka Qaadka iyo Mirqaanka Soomaalida Ku Nool.
  28. Xafiiska Adeega Shacabka iyo Kobcinta DDSI oo Aqoon-iswaydaarsi Ku Saabsan Dulsaarnimada(Rent Seeker) Ku Qabtay Godey.
  29. Waxaa Xaflada Xidhitaanka Sanad-Dugsiyeedkii Dugsiga waxbarashada iyo Hoyga Caruurta Ay waalid Tireen Nabad-diidku Lagu Qabtay Hoolka
  30. Shirwaynaha Horumarka,N/galyada,Maamulka Suuban iyo Gunaanadka iyo Gebagebada hagardaamadii UBB oo Maanta Ka Furmay Hoolka Shirarka ee SMCX.
  31. Waftigii Xukuumada DDSI ee Ka Qaybgalayay Aaska Qaran ee Boqor C/laahi Boqor Muuse oo uu Maanta Ku Qaabilay Madaxweyne Ku xigeenka Dawlada Puntland Madaxtooyada Booqdayna Wasaarada Waxbarashada.
  32. Waxaa Ka Qalinjabiyay Dugsiga Fidinta Caafimaadka Reer-guuraaga Dh/buur Dufcadii 3aad ee Shaqaalaha Fidinta Caafimaadka Reer-guuraaga xaflada Qalinjabintoodana Lagu Qabtay Magaalada Dh/buur.
  33. Waftigii DDSI ka Tagay ee Ka Qaybgalayay Aaska Qaran ee Boqor C/laahi Boqor Muuse oo Si Heer Sare Ah Loogu Soo Dhaweeyay Caasimada Dawlada Puntland ee Garoowe.
  34. Ururka Jaaliyada DDSI ee Melbourne oo GalDacwadeed Ku Furay Hadhaagii UBBadii La Gunaanaday iyo Mid Ka Mida Idaacadaha Galbedka Melboure ee Afka Soomaaliga Ku hadasha oo Waraysi.
  35. Brazil oo Hanatay Koobkii Confederetion-Cupka Kuna Durdurisay Xulka Dalka Spain.
  36. Kuliyada Caafimaadka Horn International College oo Ay Ka Qalinjabiyeen Maanta Arday Tiradoodu Dhan Tahay 146.
  37. Qaar ka mid ah dadka ka soo jeeda Dawlada Deegaanka Soomaalida Itoobiya ayaa kulan ay ku taageerayaan dowlada degaanka soomaalida Itoobiya kagana Soo Laabteen Aragtidii UBBO waxa ay ku qabteen xarooyiinka Qaxootiga Dhadhaab iyo Xagar Dheere.
  38. Agaasimaha Isitaalka Magaalada Hargeele ee Gobolka Afdheer oo Ka War Bixiyay Habsami u Fulinta Adeegyada Caafimaadka ee La Siiyo Bukaanka Degmada Hargeele iyo Guud ahaan Gobolkaba.
  39. Rooney Ma Sii Ahaan Doono Ciyaaryahan Magac Wayn Hadii uu Ka Tago Man United(Gary Neville).
  40. Brazil Oo u Gudubtay Final Kadib Markii Dirqi Kaga Badiyeen Kooxda Dalka Uruguay
  41. Munaasabad aad U Balaadhan oo Ka Dhacday Jaamacada Jigjiga ayaa ay Ku Qalin Jabiyeen Maanta Arday Dhan 1600.
  42. Waxaa Maalinta Isniinta Ah Ka Furmi Doona Magaalada Jigjiga Shirwayne Loogu Magac Daray Gunaanadkii UBBO iyo Gabagabadii Hagardaamadii UBBO.
  43. Wafti uu Hogaaminayo Wasiirka Tababarada,Xirfadaha iyo Farsamada DDSIoo Ka qayb-gali Doona Aaska qaran ee Boqor C/laahi Boqor Muuse.
  44. Mashruuca Biyogalinta Magaalada Jigjiga oo ay Ka Wadaan Shirkad Dalka Shiinaha Laga Leeyahay.
  45. Xafiiska Waxbarashada DDSI oo Imtixanka Xaqiijinta tayada Aqoonta Macalimiinta Ka qaaday Macalimiin Dhan 380 oo loo Tababaray Nidaamka Baranimo Kuna Xaraysan Kuliyada tababarada Macalimiinta DDSI(Dr C.majiid).
  46. Mashruuca Waraabka Galbeedka Goday oo Dayactirkiisu Gebo-Gebo Marayo
  47. Spain oo Nasiibka u hiiliyay iyo Shakira oo baajisay Bandhig Faneed ay qaban-laheyd si ay u daawato Ciyaarta Italy iyo Spain .
  48. Ogaysii:- Ururka Dhalinyarada SEDYO Laanta Sweden oo Hawada Soo Galisay Website ay Umada Kula Socodsiiyaan Baraarujinta Hawlaha Horumarka,N/galyda,Maamulka suuban iyo Doorka Maalgashiga.
  49. Ogaysiis: Hay'ada OXFAM oo Soo Dhajisay Tartan Qandaraas (Invitation To Tender For the Construction of Urine Diversion Dry Toilet)
  50. Maamulka Magaalada Dh/buur iyo Ganacsatada Ku nool Magaalada Dhagaxbuur ayaa Ka Wada Mgaalada Maalgashi iyo Dhismayaal Kor u Soo Qaaday Bilicda Magaalada.
  51. Munaasabad Casho-Sharaf Ah oo Ay Wakaalada Qurbajoogta DDSI ugu Sameeyeen Hotel Hilton Qaar ka Mida Qurbajoogta DDSI.
  52. Kuxigeenka Xafiiska Hawlaha Guud iyo Horumarinta Magaalooyinka DDSI oo Sheegay in Ay Meel Fiican Marayaan Hawlaha Diyaargarawga Xuska 8aad ee Qowmiyadaha iyo Shucuubta DFI ee Lagu Qaban Doono Magaalada Jigjiga.
  53. Mo-Farah Oo Arsenal U Saftay Kulan Ciyaareed Iyo Wacdaro Uu Dhigay
  54. Xafiiska kahortaga iyo xakamaynta Cudurka HIV/AIDS oo Tababar u Qabtay Hawlwadeenada 4 Isbitaal iyo 6 Xarun Caafimaad.
  55. Wakaalada Dakhliga oo Tababar u Qabatay Canshuur-bixiyayaasha Idman Ama Ganacsatada Magaalada Jigjiga.
  56. Odoyaal-Dhaqameedka iyo Qaybaha Bulshada ee Beesha maalin-Guur ooShir Balaadhan Ku Yeeshay Nairobi Kuna Baaqay In Tiir Adag Loo Noqdo Ka Qayb qaadashada Horumarka iyo N/galyada Ka Tabogaly DDDI lagana Feejignaado 4ta Beenquute ee kaliya Ka
  57. Tababar Ku Saabsanaa Maamulka Qorshaha Qoyska oo uu Xafiiska Caafimaadka Gobolka Shabeele u Qabtay Qaab-dhismeedyada Dawlada.
  58. Madaxweynaha DDSI iyo Xukuumadiisa oo Tacsi u Diraya Qoyskii iyo Ehelkii uu Ka Geeriyooday Marxuum Boqor C/laahi Boqor Muuse.
  59. TACSI:Dhamaan Garaadka Guud,Ugaasyada,Suldaanada,wabarada iyo Guurtida Odoyaal-Dhaqameedka DDSI oo Tacsi u Diraya Qoyskii yo Ehelkuu uu Ka Geeriyooday Marxuum Boqor C/laai Boqor Muuse.
  60. Bangiga Nib-International Bank oo Laan Cusub Ka Furtay Magaalada Awbare ee Gobolka Faafan.
  61. Madaxweyne Kuxigeenka DDSI ahna Wasiirka Xaf,Horumarinta,Magaloyinka,Dhism iyo warshadaha oo Xadhiga Ka jaray Warshad Nooca Daqiiqda oo Ay ku Bahoobeen Dhismaheeda Maalqabeeno Ka Soo Jeeda Gobolka Sitti.
  62. Dufcadii 3aad oo Ay Maanta Ka Qalinjabiyeen Kuliyada Caafimaadka Gaarka Loo Leeyahay ee Nur International College.
  63. Madaxda Booliska,W/ganacsiga iyo Taraafikada 4ta Deegaanada Bariga Itoobiya iyo Ismaamulka Diredawa oo markii 2aad ka Shiray Xakamaynta Shilalka Baabuurta iyo Busaska Guura Habeenkii.
  64. Dawlada Federaalka oo Xuk-DDSI ku Amaantay Taabogalinta Isbedelada Xawliga Horumarineed iyo Shirka Gudiga Fulinta Meles Foundation oo Ka Dhacaya A.A Kana qaybgalayo Madaxweynaha DDSI.
  65. Kuliyada Farsamada,Xirfadaha iyo Cilmiga Biyaha ee M.jijiga ayaa Waxa Ka Qalinjabisay Laamaheeda Waxbarashada Dufcadii 12aad oo Tiradoodu Dhan Tahay 515 Arday
  66. Awooda Rabbi:- Wiil Yar oo Dalka Canada Dhashay Isagoo Bilaa Calool Ah+(Sawir)
  67. Habeenkii Masraxa Hodan C/Raxmaan iyo Wacdaraheedii Bandhig-faneedkeedii Xalay Ka Dhacay Magaalada Jigjiga oo Buux Dhaafiyay Hoolka SMCX.+(Sawiro)
  68. Wadooyinka Xaafadaha Magaalada Jigjiga oo Ay Dhismayaal Dhinaca Goglida Dhagaxa Qoran(Cobble-Stone) ay Ka Socdaan iyo Dhismayaal Kale oo Kor u Sii qaday Bilicda Magaalada.
  69. Inaa Lilaahi wa Inaa Ilayhi Raajicuun Xasn Ismaacil Subeer(Xasan Waal) oo Ku Geeriyooday Ijtimaacii Islaamka Oo Ka Dhacayay Hargaysa.
  70. Xafiiska Caafimaadka Degmada Shaygoosh ee Gobolka Qoraxay oo 17 Tuulo ka Fuliyay Talaalka Teetanada Haweenka.
  71. Maamulka Gobolka Sitti oo Ku Hawlan Diiwaan-galinta 4kun oo Qoys oo Dibudejin Loogu Samaynayo Harawa iyo Gaabi oo Ka Kala Tirsan Degmooyinka Shiniile iyo Hadhagaale.
  72. Ololaha Talaalka Cudurka Teetanada Haweenka ay Da'doodu u Dhaxayso 15 ilaa 45 oo ka socda Magaalada Qabridahare.
  73. Xulka Qaranka Spain oo Lagu Dhacay Mid Ka Mida Hoteelada Dalka Brasil Mar ay ka Maqnaayeen Hotelka.
  74. Man-United oo Qarka u saaran inay kala soo wareegaan Thiago Alcantara Kooxda barcelona.
  75. Mashaariicda Horumarineed ee Qaybta PSNP Degmada Afdem oo La Soo Gunaanaday Hirgalinta Mashaariicahii u Qorshaysnaa Sanadkan 2005.T.I.
  76. Mayorka Maamulka Magaalada Dh/buur oo Saxaafada u Soo Bandhigay Heerka Ay Marayaan mashaariicaha Horumarineed ee Laga Hirgaliyay magaalada Dh/buur.
  77. Madaxweynaha DDSI oo Xafiiskiisa Ku qaabilay Qurbajoog u Dhalatay DDSI Gaar ahaan gobolka Shabeelle.
  78. Komishinka Anshaxa iyo Ka Hortaga Musuqa oo Tababar Ku Saabsan Wacyagelin iyo Digniinaha Musuqa u Qabtay Gudiyada La Dagaalanka Musuqa ee Dhawaan Laga Abuuray Xafiisyada Heer Deegaan.
  79. Ha u Daymo La'aan Jaleecida Qabridahare Restaurant And Supermarket Adigaanba Ka Xiiso Dhacayne Magaalada Jigjiga.
  80. Madaxa Xafiiska Dakhliga Degmada Tulli-Guuleed Cabdi C/laahi oo Waraysi Siiyay Shabakada CakaaraNews Kana warbixiyay Heerka canshuuraaka Dakhliga.
  81. Shirkii Qiimaynta Waxqabadka 11ka Bilood ee Maamulada Gobolada,Degmooyinka iyo 4ta maamul magaalooyinka oo galay maalintii 2aad.
  82. Shir Lagu Qiimanayo Waxqabadkii 11ka Bilood ee Maamulada Gobolada,Degmooyinka iyo 4ta Ismaamul Magaalo oo Maanta Ka Furmay Hoolka Shirarka(SMCX).
  83. Waxgaradka,Odoyaasha,Aqoonyahanka,Ganacsatada iyo Siyaasiyiinta Beesha Bartire oo Tilmaamay Farqiga Jigjigadii Hore iyo Ta Maanta iyo Taageerada Maalgashiga iyo Xukuumada DDSI.
  84. Xulka Kubada Cagta Dalka Itoobiya oo Ku Durduriyay Xulka Dalka Koonfur Adrica Kagana Badisay 2-1.
  85. Wafti uu Hogaaminayo Madaxweynaha Maamulka Jubaland State oo Ka Soo Degay Garoonka Diyaaradaha Magaalada Addisababa(Bole International Airport) Kana Soo Kicitimay Gagida Diyaaradaha Kismaayo.+(SAWIRO)
  86. Kalfadhigii 19aad ee ay Yeeshaan Golaha Fulinta Xukuumada DDSI oo Ka Dhacay Maanta Qolka Shirarka Madaxtooyada
  87. TACSI: Ururka Dhalinyarada SEDYO oo Tacsi Diraya
  88. Weeraryahanka Reer Argentine Messi iyo aabihiis Jorge ayaa qarka u saaran in Loo Taxaabo Xukun Xabsi Dhan 4-sanno,kadib markii waaxda canshuuraha ee Dalka Spain ay ku eedeysay inay musuq-maasuqeen in ka badan 5-Milyan oo Doolar.
  89. JICA Waa Hay'ad Laga Leeyahay Dalka Japan oo Xafiiska Horumarinta Khayraadka Biyaha DDSI ku Caawisay 7 Baabuur oo ay Ka Mid yihiin Noocyada B/buurta lagu dayactiro ceelasha Biyaha iyo Qalabkoodii(Mobile-Workshop Truck).
  90. Nin Soomaali Ah oo 3 Qof oo Soomaali ah Ku Dilay Xarun Caafimaad oo Ku Taala Magaalada St-Lous ee Gobolka Missouri Maraykanka.
  91. Ethiopia endorses Nile Basin Cooperative Framework Agreement (2)
  92. Shirkada Xaaji-Nuur Import And Export oo Xafiiska Nabadgelyada iyo Cadaalada DDSI u Soo Iibisay Noocyo Baabuur Isugu Jira Toyota Land-Crusier,Booyado iyo Ampulance.
  93. Ardayda Dugsiga Sare ee Fasalada 9aad iyo 11aad ee Magaalada Jigjiga oo Isu Abaabulay Dhiigooda In ay Ugu Deeqaan Bankiga Kaydka Dhiiga Si Bukaanka Loogu Daryeelo.
  94. Wafti balaadhan oo qurba-joog Ka Soo Jeeda Gobolka Shabeele oo uu Hogaaminayay Ugaas Maxamuud Ugaas Muxumed qani oo ay Maanta Si Heer Sare ah ugu Soo Dhaweeyeen Gagida Diyaaradaha Caalamiga ah ee Wiil-Waal Qaar Ka MIda Masuuliyiinta Xukuumada DDSI.
  95. munaasabad xadhiga lagaga jarayay mashaariic Dhismayaasha baraagaha biyo ururinta ah(Kaydka Biyaha) ee Degmada Gunagado oo Ka dhacday Degmada Gunagado Ee Gobolka Jarar
  96. Socdaalkii waftigii Iskudhafka ahaa iskuguna jiray heer-fadaraal iyo heer deegaan oo jawi wanaagsan ku soo gabagaboobay Ismaamulka Diredawa.
  97. Munaasabad lagu Soo Bandhigay Mashiino Cusub oo Soo Saari Doona Iodinet Cusbada La Falgasha oo Ay Ka Soo Qayb Galeen Masuuliyiin Isugu Jirtay Heer Federal,Heer Deegaan iyo Hay'adaha Ka Hawlgala Gobolka Afdheer.
  98. Waftigii iskugu jiray heer fadaraal iyo heer deegaan oo saaka ka ambabaxay magaalada Harar ee deegaanka hararida oo si wayn loogu soo dhaweeyay magaalada Ismaamulka diridhaba.
  99. Xuska 7aadka Hay'adaha Garsoorka Cadaalada DDSI oo Maanta Si wayn Looga Xusay Magaalada Jigjiga iyo Madaxweyne Ku Xigeenka Ahna Hog,N/galyada iyo Cadaalada DDSI oo Khudbad Saraynta Sharciga ka soo Jeediyay.
  100. Munaasabad aad loosoo abaabuley oo aan lookala hadhin oo loogu dabaal dagayey sanad guuradii 22aad ee ginbod 20 ayaa kadhacdey magaalada columbus ohio.