Xafiiska xoolaha iyo horumarinta Reer-guuraaga DDSI oo wada dadaalo kor loogu qaadayo tayada xoolaha deegaanka.

Jijiga (CN) sabti, 21, November, 2015, Sidaad warar ka yagii hore kula socoteen waxaa dhawaan kaabinega DDSI ansaxiyay in dib u habayn lagu sameeyo qaarka mid ah xafiisyada heer deegaan  taasi oo uu  ka mid ahaa xafiiskii hore loo odhan jiray xafiiska xoolaha beeraha iyo horumarinta reermiyiga DDSI.

Waxaana laga kala dhigay laba xafiis oo kala ah xafiiska xoolaha iyo horumarinta reer’guuraaga DDSI iyo xafiiska horumarinta  beeraha  iyo khayraadka dabiiciga ah ee DDSI waana qorshe gashi horumarineed u ah xoojinta awood siinta wax soo saarka beeraha iyo kor u qaadida nolosha bulshada xoolo dhaqatada.

Haddaba xafiiska xoolaha iyo horumarinta reer- guuraaga DDSI ayaa waxaa wasiir looga dhigay mudane Cabdinuur Colow Axmed   hore u ahaan jiray wasiir ku xigeenka xafiiskii xoolaha beeraha iyo horumarinta reermiyiga DDSI.

Wuxuuna warbaahinta deegaanka uga  waramay hawlaha lagu  dar dargalinta shaqada xafiiska xiligaasi oo uu kulan kula jiray kooxo xirfadlayaal caafimaad ka  xoolaha ah oo loo kala dirayay degmooyinka deegaanka si ay daawayn iyo talaalka  xoolaha uga soo fuliyaan Gobolada  iyo degmooyinka deegaanka.

 

Waxaa kale oo uu wasiirku sheegay in xukuumada DDSI oo ka duulaysa taabo galinta meel marinta qorshayaasha horumarineed ay ahmiyada siiyay in xafiisyada dib loo habeeyo oo xooga la saaro kor u qaadida nolosha bulshada xoolo dhaqatada ah iyo tayaynta tayada xoolaha deegaanka, waxaanan hada kooxahan u diyaryaa ayuu yidhi wasiirku maadaamo oo la gaadhay wakhtigii ay xooluhu iman  jireen ceelasha waawayn ee deegaanka ee ay xooluhu u soo biya doontaan gaar ahaan ceelasha waawayne ee bulaale, ceel xaar,  sulul,  malayko iyo ceelal kale oo muhiim ah taasina ay ka mid tahay hirgalinta xidhmaha horumarka xoolaha deegaanka.