Xuska Maalinka XDSHSI Hawaarto



 

      

Tababar Ku Saabsan Dardargalinta Nidaamka Xog Uruurinta Oo Loo Bilaabay bahwadaagta HIV/AIDSka.

Jigjiga (Cakaaranews) isniin, 4ta July, 2016 Xafiiska ka hortaga iyo xakamaynta HIV/AIDSka ee DDSI ayaa wuxuu dadaal adag ugu jiraa sidii looga hortagilahaa loona xakamayn lahaa  khatarta iyo faafitaanka HIV/AIDSka. wuxuuna xafiiska wacgilan balaadhan ka wadaa dhamaanba degmooyinka deegaanka.

Haddaba waxa tababar loo furay  xubno ka socday xafiiska ay bahwadaagta yihiin xafiiska ka hortaga iyo xakamaynta cudurka HIV/ ADISKA DDSI. Tababarka oo uu isla  xafiisku soo diyaariyay ayaa waxaa furitaankiisii ka hadlay ku simaha wasiirka xafiiska ka hortaga iyo xakamaynta cudurka HIV/ADISKA DDSI ahna agaasintka waaxda xisaabaadka xafiiska mudane  Mustafe Axmed Saleebaan  wuxuuna sharax dheer ka bixiyay dadaalada uu  xafiisku ugu  jiro la dagaalanka iyo xakamaynta cudurka HIV/ADISKA.

Mar uu masuulku ka waramayay   ahmiyada iyo ujeedooyinka tababarkan ayaa waxa uu sheegay   in ay tahay sidii looga  midho dhaliyo qorshayaasha  xafiiska  ayaa waxa lagu    guulaystay in la  casriyeeyo nidaamka xog uruurinta iyo isku  gudbinta warbixinada ee heerarka kaladuwan iyada oo uu xafiisku warixinada til maamayaasha waxqabad ee bahwadaagta heerarka kala duwan ku ururiyey  nidaamka Electronic multisectoral information system(EMRI) taasi oo lagu kaydinayo  shabakada xogta ee xafiisku uu leeyahay. Tababarkana uu yahay mid xubnahan fahan buuxa laga siinayo nidaamka nidaamka casriga ah ee xog ururinta, habka galinta iyo ka saarida xogta.

Nidaamkan uu xafiiska wado ayaa ah mid  sahlaya  helitaanka xog tayo leh, goorta iyo aminta loo baahdaba si loogu adeegsado xogtan ku go’aan qaadashada jihooyinka iyo qorshayaasha xafiisku kula dagaalamayo HIV/AIDSka ee deegaankeena. Waana  nidaam  suurto galinaya  helitaanka warbixinada ee goobaha fog ee aan boostada lahayn.