Golaha Kaabineega DDSI Oo Kulan Yeeshay.

Jigjiga(cakaaranews),Isniin, 9ka January, 2017. Kulan ay yesheen Golaha Kabineega DDSI oo uu hogaaminayay madaxwaynaha DDSI mudane Cabdi Maxamuud Cumar ayaa ka dhacay hoolka shirarka ee xafiiska madaxtooyada DDSI.

Haddaba, madaxwaynaha DDSI mudane Cabdi Maxamuud Cumar ayaa golaha kaabineega DDSI soo hordhigay ajendayaasha kulanka oo  ahaa qiimaynta warbixinada waxqabadka 6 bilood  ee sanad miisaaniyeedka 2009TI  ee xafiisyada heer deegaan, sidii loo xoojin lahaa hawlaha horumarka, nabadgalayda iyo maamulka suuban,  dar-dargalinta mashaariicaha horumarineed ee waawayn   gaar ahaan  dhinaca mashaariicaha biyaha deegaanka  iyo in ay si toos ah u soo iibiso xukuumada DDSI 200 oo booyadaha biyaha ah oo lagaga jawaabayo baahida bulshada ee dhanka biyo la aanta  ee ay keenta abaarta ka dhalatay isbadalka cimilada  ee afka qalaad loo yaqaano (EL Nino effect).   

Masuuliyiinta xafiisyada heer deegaan ayaa soo bandhigay warbixinta waxqabadka 6 bilood ee sanad miisaaniyeedka 2009TI warbixinadaasi  oo ku sar-gonayd  fulinta qorshayaashii u dajisnaa xukuumada DDSI gaar ahaan dhinacyada biyaha, waxbarashada, caafimaadka, beeraha, jidadka iyo guud ahaan waxka qabadka adeegyada horumarka

Golaha kaabineega  ayaa si qoto-dheer u falanqeeyay qodobada kulankan ee kor kuxusan. Wuxuuna goluhu codbuuxa ku ansixiyay hirgalinta iyo meel-marinta dhamaan ajandayaasha kulankan