Xuska Maalinka XDSHSI Hawaarto



 

      

Tababar Loo Hayay Macalimiinta Luuqada Afka-hooyo Ee Gobolada Faafan,Jarar, Siti Iyo Erer Oo Lasoo Gabagabeeyay

Jigjiga (Cakaaranews) Axad 19ka February 2017. Tababar Kor loogu qaadayo garaadka aqooneed ee barayaasha luuqada afka-soomaaliga islamarkaana ay soo agaasimeen wasaarada waxbarashada JDFI, Xafiiska waxbarashada DDSI iyo Hay’adaha RTI,USAID, iyo Hay’ada SCI loona hayay macalimiinta luuqada afka- hooyo ee dhamaan degmooyinka hoosyimaada  gobolada, Faafan, Jarar, Siti, iyo Erer  ayaa lagusoo gabagabeeyay hoolka shirarka ee kuliyada maaraynta iyo adeega shacabka DDSI.

Hadaba, tababarkan ayaa waxaa xidhitaankiisii ka hadlay agaasinka horumarinta macalimiinta iyo hogaaminta waxbarashada ee xafiiska waxbarashada DDSI mudane Farxaan Cabdi Makhtal oo sheegay in tababarkani ahaa mid lagu kobcinayo nidaamka baris barasho ee macalimiinta luuqada afka hooyo ee gobolada Faafan, Jarar, Siti Iyo Erer oo socday mudo 10 cisho, Isagoo  agaasinku intaa kudaray in tababarkan ay casharada bixinayeen macalimiin u xeel dheer barashada luuqada afka hooyo islamarkaana tababaro sare u soo qaatay.

Sidoookale, agaasinka ayaa kula dardaarmay  in barayaasha qaatay tababarkan looga baahan yahay inay ugasii faaiideeyaan ardayda ay macalimiinta u yihiin isalmarkaana fahan buuxa kasiiyaan ardayda si loo soo saaro arday tayo leh .

Ugu danbayna waxaa dhankooda ka hadlay qaar kamid ah macalimiintii tababarka qaatay oo sheegay inay  tababarkan waxbadan ka faaiideen  islamarkaana fahanka ay ka helaan tababarkan ay ugasii faaiidayn doonaan ardayda ay macalimiinta uyihiin. Sikastaba ha ahaatee tababarkan oo mudo 10 cisha ah ka socday goobo kamid ah gobolada deegaanka ayaa soo gabagaboobey isagoo waxbadan ka badali doona garaadka aqooneed ee barayaasha luuqada afka-hooyo.