Kulan Lagusoo Dhawaynayay Maareeyayaasha Cusub Ee Xarumaha Caafimaadka Gobolka Qoraxey

Qabridahare(cakaaranews)Khamiis 17ka August 2017. Waxaa xarunta gobolka qoraxey kaqabsoomay kulan lagusoo dhawaynayay maareeyayaasha cusub ee lagusoo qoray xarumaha caafimaadka gobolka qoraxey islamarkaana ay kasooqaybgaleen gudoomiyaha gobolka qoraxey iyo waliba gudoomiya yaasha iyo madax xafiiseedada caafimaadka degmooyinka gobolka qoraxey.

Hadaba, kulankan soodhawaynta ah ayaa waxaa ugu horayn kahadlay Gudoomiyaha Gobolka Qoraxey mudane Yuusuf Aadan Yuusuf oo sheegay in gacmo furan ay kusoodhawaynayaan maareeyayaasha cusub ee xarumaha caafimadka gobolka qoraxey lagu soo qoray. Wuuuna intaa kudaray in maareeyayaashan lagsooqoray 14ka xarumo-caafimaad ee gobolka qoraxey. Wuxuuna xusay gudoomiyuhu in maareeye yaashani ay yihiin gabdho kuwaasoo ah xubnihii ugu kartida badnaa ee lagasoo kalaxulay dhamaan deegaanka islamarkaana tababarka hogaaminta ee xarumaha caafimaadka kusoo qaatay xarunta deegaanka ee magaalada jigjiga.

Wuxuuna tilmaamay gudoomiyuhu in ka maamul ahaan ay garabtaagan yihiin dhankaata oo xaga maamulkooda ah, iyagana looga baahan yahay in xilkooda iyo waajibaadkooaba ay si toosa uga soo baxaan.

ugudanbayna, maareeyayaashii cusbaa oo dareenkooda kahadlay ayaa sheegay in xilka waajibaadka ay usoo idmatay xukuumada DDSI ay si wadaniyad leh oo daacadnimo ku dheehanatahay uga soobaxayaan.