MW CMC Oo Xafiiskiisa Waraysi Kusiiyay Warbaahinta Deegaanka

Jigjiga(Cakaaranews) Isniin 4ta September 2017. Waraysi ay warbaahinta deegaanku la yeeelatay madaxwaynaha DDSI mudane Cabdi Maxamuud Cumar oo aan wax kawaydiinay arrinta ubbeyga way nee cabdikariin sheekh muuse qalbi dhagax oo deegaanka looga yaqaano qalbi dhiriq iyo dadka wada arragtiyada cidhiidhyan ee saxaafadaha ee majara habaabinaya danbaiyada uu qalbi dhagax ka galay dalka iyo deegaankuba ayaa waxa uu sheegay inuu yahay qalbi dhagax nin danbi kagalay dalka iyo deegaankuba islamarkaana arrintiisu ay utaalo tastuurka dalka.

Madaxwaynaha ayaana hadalkiisa ka bilaabay in la iswaydiiyo cida uu yahay cabdikariin isagoo sheegay inuu cabdikariin yahay nin udhasay DDSI islamarkaana ahaa booliskii ugu horeeyay ee deegaanka isagoo falal dil, dhac iyo kufsi leh sameeyay sidaasna ku galay duurka, Wuxuuna madaxwaynuhu intaa ku daray inuu qalbi dhagax xasuuq ba’an ka gaystay gobolada dollo, qoraxey, jarar iyo shabeele islamarkaana ay arrintuusu u taalo tastuurka iyo mas’uuliyiinta dalka.

Dhanka kale madaxwaynaha ayaa ka hadlay dadka siyaabaha khaldan ooga hadlaya arrinka qalbi danbas isagoo sheegay inay wataan dano qarsoon oo usocda meelo kale rabaana inay soo celiyaan dhiig miiratadii UBBO iyo al shabaab, Isagoo madaxwaynuhu xusay in dadka ka hadlaya arrinta qalbi danbas meelkasta oo ay joogaan ay yihiin dad dano gaar ah leh islamarkaana doonaya inay dawlada soomaaliya mooshin ooga dhigaan arrinka qalbi danbas islamarkaana ay dadkani u ooyayaan al shabaab kana xun yihiin talaabada ay dawlada soomaaliya, ciidanka itoobiya iyo ciidamada AMISON kaga guulaysanayaan ururka al shabaab oo mudadii udanbaysay isasoo dhiibayaan mas’uuliyintii ugu saraysay.

Madaxwaynaha ayaana intaa ku daray in dadka dhahaya cabdikariin 1977EC ayuu dhaawacmay ay ooga haboontahay inay ka hadlaan kuwa maalin walba udhaawacmaya difaacida soomaaliya oo ay kamid yihiin ciidamka soomaaliya iyo ciidamada AMISON iyo waliba inay ka mudaaharaadaan waxyeelada ay ururka al shabaab ku hayaan shacabka soomaaliyeed, Waxaa kale oo uu madaxwaynuhu carabka ku adkeeyay sababta ay shacabku uga mudaaharaadi waayeen dawladii adkayd ee soomaaliya ee samaysay qoraalka afka soomaaliga iyagoo leh waan soo ceshanaynaa ama may ka hadlaan sida ay isaga fasixi lahaayeen 30ka dawladood ee dul fadhiya ee AMISON una samaysan lahaayeen ciidankood ah xurmeeyaana madaxdooda iyo mas’uuliyiinta dawlada balse ma ahayn inuu arrin aan isaga khusaynin ku mashquulo.

Madaxwaynaha oo hadalkiisii sii wata ayaa tilmaamay sababta ay shacabku uga muadaaharaadi la yihiin tusaale ahaan ardaydii qalinjabinaysay ee ay al shabaab qarxisay, dadka musaafurka ah ee ay layaan, kuwa ay maqaaxiayaha ku qarxinayaan iyo kuwa ay misaajidada ku dilayaan maalin walba.

Madaxwaynaha ayaa ku tilmaamay dadka deegaanka soomaalida itoobiya ku tilmaamaya soomaali galbeed inay yihiin dad jooga soomaaliya gaar ahaan muqdisho balse marka Addisbaba la jooga waxaa loo yaqaanaa bariga itoobiya. Sidoo kale madaxwaynaha ayaa sheegay in daris wanaaga ka dhaxeeya soomaaliya iyo itoobiya iyo waliba heshiisyo hore oo ay galeen madaxdii hore ee dawlada soomaaliya oo ay kamid ahaayeen wasiir mahad maxamed salad,wasiir mursal jaamac geele, madaxwaynihii hore ismaamul goboleedka galmudug mudane cabdikariin xuseen guuleed isalamarkaana ay labada dawladood leeyihiin xad aad udheer kalana mudan yihiin wanaag balse cay aysan marnaba meesha ku jirin labada dawladoodna leeyihiin xidhiidh iskaashi oo labada dhinac ah.

Waxaa kale oo uu madaxwaynuhu xusay in ay shalay ahayd goortay madaxwaynaha dalka soomaaliya mudane Maxamed Cabdulaahi Farmaajo raisa-wasaaraha dalka soomaaliya mudane Xasan Cali Khayre ay raisal-wasaaraha dalka itoobiya ka codsanayeen in lagusoo wareejiyo maxaabiis dhan 114 qof islamarkaana isugu jiray kuwo danbi kagalay dwalada soomaaliya iyo kuwo danbi kagalay dawlada itoobiya taas oo ay shacabka soomaaliya ku taageereen madaxwaynaha iyo raisal-wasaarahaba.

Ugu danbayna madaxwaynaha ayaa su aal waydiiyay xildhibaanada soomaaliya sababta ay al shabaab mooshin lagula dagaalamo loosoo saari la yahay iyo in aad ka hadashaaan dhibaatada, dawlad la aanta iyo horumar la aanta ay al shabaab ku hayso shacabka soomaaliyeed. Madaxwaynaha ayaana hadalkisii kusoo xidhay in dadka ka shaqaynaya arrimahaas ay yihiin dad dano gaar ah wata, isagoo taabtay in waxa umusha dan u ah uu ilmaha dan uyahay, sidoo kalana waxa soomaaliya dan u ah ay itoobiya dan utahay labada shacabna yihiin dad walaalo ah aflagaadaduna tahay mid aan banaanayn ninka maanta ka xun hal shaqsina haka xumaado dhibaatada maanta soomaaliya haysata.