Kulan Ku Saabsan Abaabulka Waxbarashada Sanad dugsiyeedka 2010TI Oo Ka Qabsoomay MM DH/buur

Dhagaxbuur,(cakaaranews), axad, 17ka September, 2017, Waxaa ka dhacay madasha shirarka ee maamulka magaalada dhagaxbuur  kulan balaadhan oo lagu qorfaynayay dhinaca  abaabulka diwaangalinta waxbarashada ee sanad dugsiyeedka 2010TI.

Waxaana kulankan hogaaminayay masuuliyiinta maamulka magaalada dhagaxbuur  iyada  oo ay ka  soo qaybgaleen   qaybaha kala duwan ee bulshada ku dhaqan magaalada maamulka magaalada dhagaxbuur waxa kulankan ka hadlay maayirka maamulka magaalada dhagaxbuur mudane Mahamed  Xasan Suufi   isaga oo  qaybaha kala duwan ee bulshada uga warbixiyay ahmiyada ay leedahay waxbarashada. Waxayna u sheegeen bulshada in ay keenaa dhamaanba caruurta gaadhay da’da waxbarashad goobaha waxbarashada ardaydii horena ku soo celiyaan fasalada ay u gudbeen. Waxaa kale oo ay bulshada ku booriyeen in ay ka faa’iidaystaan waxbarashada dadka waawayn.

Qaybaha kala duwan ee bulshada ku Dhaqan maamulka magaalada dhagaxbuur   ayaa sheegay in ay ka qayb-qadanayaan diyaarna u yihiin sidii loo keenilahaa  caruurtooda gaadhay dada waxbarashada goobaha waxbarashada kuwii hore ugu jirayna loo keenilahaa fasalada ay u gudbeen.