Ogaysiis :Ganacsatada Iyo Qurba-joogta Deegaanka

Jigjiga(Cakaaranews) Arbaco 20ka September, 2017. Waxaa la ogaysiinayaa dhamaan ganacsatada deegaanka iyo qurba-joogta DDSI ee ku kala sugan daafaha caalamka inay ka qaybqaataan taakulaynta eheladii iyo qaraabadii dadkii lagu xasuuqay awaday iyo dadkii soomaalida ahaa ee kasoo barakacay deegaanka oromiya islamarkaana ay dawladu ay si wadaniyad leh ugu hayso daryaal iyo daawayn gacanta ugu hayso goobo badan oo xarunta  deegaanka ah.

Sidaa darteed waxaa la ogaysiinayaa dhamaan ganacsatada iyo qurba-joogta DDSI in sidii hada ka horba la idiinka bartay caawinta iyo garab istaaga bulshadiina haba ugu danbayso xiliyadii abaaraha inaad kaalintiina gargaar kaga qaybqaadataan.

FG: Waxaa xusid mudan oo aan marnaba la ilaawi Karin kaalinta lixaadka leh iyo sidii wadaniyada lahayd ee aad ugu qaybqaadteen guud ahaanba horumarka iyo nabadgalyada ka hanaqaaday deegaanka.

FG: Waxaad la idinku wargalinayaa inaad lasoo xidhiidhaan gudiga arrintan loo xilsaaray oo uu gudoomiye uyahay mudane Khadar Macalin Cali islamarkaana ay kamid yihiin xubno kamid ah jaaliyadaha .