Kulan Lagaga Hadlayay Fulinta Qorshayaasha Gar-gaarka Bini-aadantinimada Oo Lagu Soo Gabagabeeyay Jigjiga.

Jigjiga,(cakaaranews), jumce, 22ka , September, 2017. Waxaa lagu soo gabagabeeyay  caasimada deegaanka ee  jigjiga gaar ahaan madasha shirarka ee huteelka xamda kulan  ku  saabsanaa  sidii loo fulinta qorshaha hawlaha gar-gaarka  bini-aadanimo ee sadexda bilood ee soo socda iyada oo dhinaca kalena dib loogu eegayay fulinta qorshihii dhinaca gar-gaarka  bini-aadanimada ee 6dii bilood ee la soo dhaafay.

Kulankaasi  oo uu soo agaasimay xafiiska ka hortaga iyo u diyaar garowga masiibooyinka DDSI oo kaashanaya hayada OCHA ayaa waxa loo hayay masuuliyiin ka socday xafiisyada heer deegaan oo ay ka mid yihiin xafiiska Horumarinta khayraadka biyaha DDSI, waxbarashada, caafimaadka , beeraha, xoolaha, xafiiska arimaha haweenka iyo caruurta maaliyada iyo masuuliyiin ka socday hay’adaha ay bahwadaagta yihiin xafiiska u diyaar garowga iyo  hortaga masiibooyinka  DDSI

Waxaana, soo xidhitaankii kulankaasi ka hadlay wasiirka xafiiska ka hortaga iyo u diyaar garowga masiibooyinka DDSI mudan Xuseen Maxamed Xasan   oo ka warbixiyay ahmiyada iyo ujeedooyinka laga lahaa kulankan   isaga oo  sheegay in  ujeedada ugu wayn kulankani ahayd  sidii loo gorfayn lahaa fulinta qorshaha iskaashi ee dhinaca gar-gaarka  bini-aadanimada ee 3 bilood ee soo socda islamarkaana  dib loogu eegilahaa meelmarinta qorshihii gar-gaarka bini-aadanimo ee 6 dii bilood ee la soo faadhay iyada oo laga waayo aragnimo qaadanayo qorshaasi la soo faadhay si loo buuxiyo meelaha ay gol-dalooladu ka jirtay. Wasiirka ayaa ku booriyay masuuliyiinka ka qab-galay kulankan in ay sidii loogu talagalay u meelmariyaan fulinta jihooyinka layskula qaatay mudadii uu socday kulankani si looga midho dhaliyo ujeedooyinka laga lahaa kulankan

Dhankooda masuuliyiintii ka soo qayb-gashay kulankaasi ayaa sheegay in mudadii uu kulanku socday lagu lafa-guray jihooyinka iyo istaraatajiyadaha lagu fulinayo qorshaha hawlaha gar-gaarka bini-aadanimada waxayna sheegeen in ay sidii loogu talagalay u meelmarinayaan fulinta qorshahaasi si loo gaadho natiijada ujeedada.