Dood Cilmiyeedkii Sanadguurada 25aad Ee Xisbiga Dhaqdhaqaaqa Shucuubta Koonfureed Ee Itoobiya Oo Ka Furmay Magaalada Hawaasa

Hawaasa(Cakaaranews) Khamiis 19ka October 2017. Dood cilmiyeedkii  sanadguurada 25aad ee xisbiga  dhaqdhaqaaqa dimuqraadiyadeed ee shucuubta koonfurta itoobiya SEPDM ayaa si rasmi ah ugu furmay magaalada hawaasa ee xarunta deegaanka shucuubta koonfurta itoobiya.

Hadaba dood cilmiyeedka  sanadguurada 25aad  ee SEPDM ayaa waxaa kasoo qaybgalay mas’uuliyiinta ugu saraysa xisbiga EPRDF oo uu ugu horeeyo raisal-wasaaraha dalka ahna gudoomiyaha xisbiga SEPDM mudane haile mariam Desalegn , Raisal-wasaare kuxigeenka JDFI ahna gudoomiyaha xisbiga ANDM mudane Demeke Mokoninn, Madaxwaynaasha dawlad deegaanada dalka oo uu kamid yahay madaxwaynaha DDSI mudane Cabdi Maxamuud Cumar, mas’uuliyiinta xisbiyada bah-wadaagta ah oo uu kamid yahay gudoomiyaha XDSHSI mudane maxamedrashiid Isaaq iyo marti sharaf kale oo ka socday dawlad deegaanada dalka.

Waxaana furitaankii dood cilmiyeedkan  ka hadlay   Madaxa xarunta dhexe  ee xisbiga dhaqdhaqaaqa dimuqraadiyadeed ee shucuubta koonfurta itoobiya SEPDM mudane tesfaye baljige  oo si qota dheer ooga warbixiyay  sooyaalkii  Taariikheed eeHalgankii khadhaadhaa ee uu soo maray xisbiga SEPDM, Guulihii laxaadka lahaa ee uu xisbigu kagaadhay dhinacyada horumarka, Caqabadihii iyo dhibaatooyinkii uu xisbigu lakulmay mudadii 25kii sano ee lasoo dhaafay isagoo masuulku   soo ban dhigay jihooyinka horumarineed ee mustaqbalka dhaw ee  xisbiga SEPDM. Sidoo kale mudane tesfaye baljige ayaa sheegay  in xisbiga dhaqdhaqaaqa dimuqraadiyadeed ee shucuubta koonfurta itoobiya (SEPDM) ay 17kii Tahsaas,1983  aas-aaseen geesiyadii ururkii dooxada  Riftvalley.

Dhanka kale  kulankan  dood cilmiyeedka sanad guurada 25aad  ee xisbiga shucuubta koonfureed  ee SEPDM ayaa waxaa ka hadlay madaxwaynayaasha deegaanada bahwadaagta ah oo uu kamid yahay Gudoomiye kuxigeenka XDSHSI ahna Madaxwaynaha DDSI Mudane Cabdi Maxamuud Cumar oo   sheegay “inay deegaanka soomaalida itoobiya deganyihiin dad leh  hal dhaqan ,hal luuqad iyo Waliba hal diin islamarkaana ay caqabado badan soo wajihi jireen. Halka uu xisbiga shucuubta koonfureed oo ay kumidoobeen 56 qoomiyadood hadana uu horumarka wayn kutalaabsaday uu  kudayasho mudan yahay.

Ugu danbayna dood cilmiyeedkan  sanadguurada 25aad  ee xisbiga shucuubta koonfureed ayaa si rasmi ah usoo gabagaboobmey iyadoo xuska  sanadguurada 25aad  ee  xisbiga shucuubta koonfureed ee SEPDM maalinka bari ah uu si rasmi ah uga furmi doono  magaalada hawaasa.