Xafiiska Arrimaha Haweenka Iyo Caruurta DDSI Oo Xarunta Xakamaynta Dhibanayaasha Tacadiyada Kadhanka Ah loogaysto Kahirgaliyay Hospitaalka Karamardha.

Jigjiga(cakaaranews)Sabti 4ta November 2017.Xafiiska arrimaha haweenka iyo caruurta DDSI ayaa markii ugu horaysay Cusbitaalka Kaaramardha ka hirgaliyay xarunta xakamaynta  dhibanayaasha tacadiyada kadhanka ah loo gaysto ee caruurta iyo haweenka. Iyadoo  xaruntaasna ay khibrad wadaag ugu yimaadeen masuuliyiin ay horkacayso wasiirada arrimaha haweenka iyo caruurta ee degaanka Benshanguul-gumuz

Hadaba, Wasiirka Xafiiska Arrimaha Haweenka iyo Caruurta DDSI marwo Raxma Suldaan Maxamuud Haybe oo warbaahinta lahadashay ayaa sheegtay in Booqasho kuyimaadeen xarunta xakamaynta dhibanayaasha tacadiyada kadhanka ah loogaysto ee xafiisku ka hirgaliyay Cusbitaalka Karamardha ee MMJ. Waxayna intaa kudartay in booqashadan ay wasiirada kuwahelinayeen masuuliyiin ay horkacayso wasiirada arrimaha haweenka iyo Caruurta benshangul-Gumuz marwo  marwo Buzinesh alkadir si ay khibrad wadaag uga qaataan xaruntan islamarkaana ay deegaankooda uga hirgaliyaan. Waxayna indho indhaynayaan sida ay ushaqayso xarunto iyo waliba sida ay udhisantahay.

Dhankakale, wasiirada oo faahfaahin kabixisay  xaruntan ayaa sheegtay in xaruntani ay leedahay shaqaalo ugaar ah islamarkaana ay yaalaan  adeegyadii cabashada lagu soogudbisan lahaa. Waxayna carabka kudhufatay in xaruntan ay yaalaan teleefanada linka ah (hot-line) islamarkaana ay dhibanayaashu soogaraacayaan numberka 8344 meelkasta oo ay joogaan. kadibna booliska iyo hayadaha nabadgalyadu si dagdaga ah ugu soo gaadhi dhibanayaash.

Ugudanbayna, masuuliyiintan iskudhafka ah ayaa siwada jir ah u booqday xarumaha kaladuwan ee haweenka iyo caruurta ee lagu baadho kiisaskooda kaladuwan.