Xukuumada DDSI Oo Deeq Gaadhsiisay Bulshada ka soo barakacday deegaanka Oromada

Raaso(cakaaranews)isniin, 6da November , 2017. Xukuumada DDSI ayaa deeq raashinka noocyadiisa kala duwan, dawooyin iyo agabka maacuunta ah gaadhsiisay shacabka  soomalida ah   ee laga soo barakiciyay deegaana oromada   kuwaasi oo ay xukumada DDSI dib u dajin uga samaysayay degmada Raaso.

Deeqdan ay xukuumada DDSI gaadhsiisay shacabka soo barakacay ayaa waxaa u qaybiyay oo ku wareejiyay shacabka masuuliyiin ay ka mid yihiin maareeye ku xigeenka wakaalada jidadka DDSI mudane Cabdilaahi Maxamed Cabdi, maareeyaha kuliyada maaraynta iyo adeega shacabka DDSI mudane Cabdirashiid Sheekh Cumar, masuuliyiinta gobolka Afdheer  iyo masuuliyiinta degmada raasho.

Waxayna warbaahinta deegaanku u kuurgashay hab-nololeedka bulshada soo barakacday ee deeqdan la gaadhsiiyay waxayna waraysiyo la yeelatay qaarka mid ah bulshada soo barakacday kuwaasi oo si mug leh ugu mahad celiyay xukuumada DDSI ee taamyeeshay noloshoodii haddii ay tahay hoyga, gogasha, raashin iyo dhamaanba baahiyaha noloshooda, waxayna si qoto dheer uga warbixiyeen dhibaatooyinkii ka soo gaadhay gudaha deegaanka oromada.

Shacabkan ayaa sidoo kale sheegay in muddo badan dhexdeganaayeen oromada oo aanay maraba islahayn dhibaato ayaa idiinka iman maadaamo oo ay dalkoodii itoobiya dhexdagan yihiin. Ugu dambayntiina waxay aad iyo aad ugu mahad naqeen xukuumada DDSI sida meeqaamka sare ee ay markasta ugarab taagantahay  uguna fidinayso deeqaha aan kala go`alahayn.