Kulan Lagaga Hadlayay Dar-dargalinta Qorshayaasha Horumarka Oo ka dhacay Hoodaale.

Hoodaale,(cakaaranews),isniin, 6da November, 2017. Waxaa ka dhacay hoolka shirarka ee tuulada hoodaale ee degmada dhagaxbuur ee gobolka jarar kulan balaadhan oo  lagaga hadlay sidii loo sii dar-dargalin lahaa qorshayaasha horumarka  gaar ahaan hirgalinta qorshaha isku filnaan-shaheena waan soo ceshan karaan ee  beer, biyo, caafimaad  iyo cilmi kaasi oo ah qorshala lagu tir-tirayo saboolnimada iyo shaqo la’aanta

Kulankaasi ayaa waxaa hogaaminayay masuuliyiinta gobolka jarar oo uu ka mid yahay Gudoomiyaha gobolka jarar mudane Cabdi Cali Mataan iyo gudoomiyaha degmada dhagaxbuur marwo Aniisa Mukhtaar Xasan waxaana loo qaybtay qaybaha kala duwan ee bulshada ku dhaqan tuulada hoodaale ee degmada dhagaxbuur.

waxaana, furitaankii kulankaasi ka hadlay gudoomiyaha gobolka jarar mudane Cabdi Cali Mataan oo si qoto dheer uga warbixiyay ahmiyada iyo ujeedooyinka kulankaasi wuxuuna sheegay in xukuumada DDSI dadaal xoogan ugu jirto sidii loo taaba galin lahaa qorshayaasha horumarka ee lagaga jawaabayo baahiyaha bulshada gudoomiyaha ayaa sheegay in qaybaha kala duwan ee bulshada looga baahan yahay in ay fahan dheer u yeeshaan ahmiyada qorshayaashaasi islamarkaana kaalin mug leh ka qaataan hirgalintooda gudoomiyaha ayaa si gaar ah uga warbixiyay qorshaha isku filnaan shaheena waan soo ceshankarnaa ee biyo, beer, caafimaad iyo cilmi kaasi oo ah mid lagu tir tirayo saboolnimada.

Dhankooda qaybaha kala duwan ee bulshada ku dhaqan tuulada hoodaale ayaa siwayn u soo dhaweeyay istaraatajiyadaha iyo qorshayaasha u dajisan xukuumada DDSI ee lagu horumarinayo bulshada deegaanka waxayna sheegeen in ay kaalin mug leh ka qaadanayaan hirgalinta qorshayaashsi