Wasiirku Xigeenka Waxbarashada DDSI Oo Kulan La Yeeshay Hay’adaha Bah-wadaagta ku Ah Waxbarashada.

Jigjiga,(cakaaranews), talaado, 14ka, November, 2017. Wasiirku xigeenka waxbarashada DDSI mudane Maxamuud Axmed Nuur ayaa xafiiskiisa kulan kula yeeshay masuuliyiin ka socday hay’adaha dawliga ah iyo kuwa aan dawliga ahayn ee ay bah-wadaagta yahiin xafiiska waxbarashada DDSI gaar ahaan kuwa sida gaarka ah uga shaqeeya adeegyada waxbarashada DDSI.

Wasiirku xigeenka ayaa sheegay in ujeedada kulankani tahay sidii loo xoojin lahaa iskaashiga wada shaqayneed ee ay leeyihiin xafiiska waxbarashada DDSI iyo bah-wadaagtiisu taasi oo diirada lagu saarayo xoojinta tayada adeegyada waxbarashada isaga oo soo bandhigay wasiir ku xigeenku  qorshayaasha awooda la saarayo sanadka 2010TI ee looga baahan yahay bah-wadaagta waxbarashadu in ay ka soo baxaan kaalintooda.

sheegay wasiir ku xigeenku in sanadka cusub ee 2010TI  uu xafiiska waxbarashada DDSI xooga saarayo sidii oo  xaqiijin lahaa  taamyeelida tayada waxbarashada iyada oo xooga la saarayo waxyaabaha gashiga u ah tayada waxbarashada sida in la daboolo baahida dugsiyada, tan macalimiinta, daboolida baahida ardayda qabta baahida gaar ka ah ee ay ka mid tahay quudinta ardayda iyo helidaanka aaladaha casriga ah, waxaa kale oo aan xooga saaraynaa ayuu yidhi  wasiir ku xigeenku kor u qaaditaanka ka qaybgalka waxbarashada  dumarka  iyo tayaynta indaamka baris barasho ee dugsiyada deegaanka si looga guul gaadho xaqiijinta tayada waxbarashada deegaanka

Wasiir ku xigeenka ayaa sheegay in dadaalka iskaashiga muga leh ee ay leeyihiin  xafiiska waxbarashada bah-wadaagta waxbarshada,macalimiinta deegaanka iyo gudiyada waalidiintu tahay tan keentay in guulo waawayn laga gaadho natijooyinka tayaynta waxbarashada deegaanka loona baahan yahay in la sii xoojiyo dadaaladaasi.

Dhankooda masuuliyiinta ka socotay hay’adaha bah-wadaagta la ah xafiiska waxbarashada DDSI soo jeediyay qorshayaasha ay ku dar-dargalinayaan tayada adeegyada waxbarashad DDSI si looga midho dhaliyo siyaasada caafimaadka deegaanka iyo dalkaba.