Daahfurka Wajiga 2aad Ee Mashruuca SIPED Oo Kadhacay Magaalada jigjiga

Jigjiga (cakaaranews)Talaado, 14ka November 2017. Kulan lagu daahfurayay wajiga 2aad ee mashruuca SIPED islamarkaana ay kasooqaybaleen masuuliyiinta xafiisyada heer deegaan ee  Biyaha, Maaliyada, Arrimaha Haweenka, Nabadgalyada, iyo waliba masuuliyiinta gobolada iyo degmooyinka uu kahawlagali doono mashruucu ayaa ka furmay magaalda jigjiga.

Wajiga 2aad ee mashruucan SIPED ayaa si wayn uga shaqayn doona arimaha Nabadgalyada, Xalinta khilaafaadka qoomiyadaha wadda-daga iyo waliba maaraynta khayraadka dabiiciga ah ee Biyaha iyo Dhulka.

Hadaba, daahfurkii mashruucan ayaa waxaa ugu horayn kahadlay Wasiirka Xafiiska Horumarinta Khayraadka biyaha DDSI ahna Madaxa Xarunta Dhaxe ee XDSHSI  marwo Fartuun Cabdi Mahdi oo sheegtay in wajiga 2aad ee mashruuca SIPED uu yahay mashruuc ay si wada jir ah u fulinayaan wasaarada arrimaha fadraaalka iyo horumarinta reerguuraaga dalka,   USAID iyo waliba hay'ada BACT islamarkaana ay gacanta kuhayn doonto hay'ada arrimaha fedaraalka ee dalka. Waxayna xustay marwadu in mashruucan ay dabagalkiisa leeyihiin hay’adaha cadaalada ee deeganada uu kahawlagalo mashruucu.

Dhankakale, intii uu shirkani socday ayaa waxaa lagu soo bandhigayay islamarkaana lagu falanqeeyay faaiidooyinka iyo dhinacyada uu xooga saridoono iyadoo kaqaybgalyaashuna soo bandhigayeen su'aalo iyo fikiro kuqotama wajiga 2aad ee mashruucan SIPED.

 

Iskusoowada duuboo, wajiga 2aad ee mashruucan SIPED ayaa waxa uu kahawlagli doonaa 3da degmo ee kala ah dheka-softu, gursum iyo ma’ayso.