Kulan Tababar Iyo Wada-tashi Isugujira Oo Ku’aadan Nidaamka Maamulka Maaliyadeed Oo kaqabsoomay Jigjiga

Jigjiga(cakaaranews)Khamiis, 16ka November 2017. Kulan ujeedadiisu tahay kor uqaadista nidaamka maamulka maaliyadeed iyo waliba sidii looga wada tashan lahaa ilaalinta iyo kudhaqanka shuruucda iyo maamulka maaliyadaha islamarkaana uu soo agaasimay xafiiska maaliyada iyo horumarinta dhaqaalaha DDSI ayaa si habsamileh uga qabsoomay hoolka shirarka ee Qaryaan Dhoodaan.

Kulankan isugujira tababarka iyo wada tashiga nidaamka maaulka maaliyadeed  ayaa waxaa kasooqaybgalay gudoomiyeyaasha Gobolada, madax xafiiseedyada degmooyinka iyo maamul magaaloyinka iyo waliba kaashyeeradooda.

Hadaba, kulankan ayaa waxaa furitaankiisii ugu horayn kahadlay Wasiirka Xafiiska Maaliyada Iyo Horumarinta Dhaqaalaha DDSI mudane Axmed Cabdi Maxamed oo sheegay in kolankani yahay mid isugu jira tababar iyo wada tashi kaasoo kusaabsan kor uqaadida nidaamka maamulka maaliyadeed ee degmooyinka iyo maamul magaalooyinka deeganka islamarkaana diirada lagu saarayo barnaamijka Public Financial Management(PFM), Barnaamijka Kusalaysan Natiijada ee loo yaqano ‘’Program For Result (P4R)’’ iyo waliba Barnaamijka Kor U Qaadida Adeegyad Aas-aasiga ah ee (PBS).

Wasiirka oo hadalkiisa sii wata ayaa tilmaamay in sidookale kulankan lagaga wada tashanayo dhanka shuruucda maaliyadeed iyo waliba nidaamka maamul ee maaliyadaha degmooyinka iyo maamul magaalooyinkeena.

Iskusoowada duuboo, kulankan ayaa waxaa laga filayaa in natiijo waxkuool ah ay kasoobaxdo kadib markii kasooqaybgalyaashu ay kulaabtaan goobahoodi shaqo.