Jawaab-celin kusocota Wasiirka Wasaarada Xidhiidhka Arimaha Dawlada Ee JDFI mudane Negeri Lencho Iyo Dacwo

Jigjiga(Cakaaranews) Talaado 28ka November 2017. Negeri Lencho waxaad tahay wasiir federal ah oo matalaya dhamaan qoomiyadaha dalka oo dhan islamarkaana barlamaanka federalka ah kahor dhaartay inaad shacabka ugu shaqayn doonto si been iyo cadiifad kamadaxbanaan tahay balse markaan xaqiiqda u nimaadno warbixinada aad soosaarto ee kahadla iskudhaca labada deegaan ee soomaalida iyo oromada waa mid xaqiiqda kafog, waana mid kusalaysan cadiifad shaqsiyadeed oo aan kaduulaynin daraasaad dhab ah oo xaalada katurjumaysa. Wararka qaarna aad ku arkayso waxaan jirin oo aad sheegayso iyo waxjira oo aad qarinayso. Tusaale ahaan: warbixintii ugu danbaysay ee aad soosaartay waxaad qarisay in booliska soomaalidu uu qaar kamid ah dadkii layidhi waa danbiile inuu kuwareejiyay booliska federalka.

Sida cid kasta ay ogtahayna magaalada awaday waa oromiya dhexdeeda meel  xuduud ahna kuma taalo waxaana lagu xasuuqay dad Soomaali ah oo mudo dheer daganaa balse waxaad ku tilmaantay meel iskudhac uu kadhacay taasoo xaqiiqada kafog waxaad uga jeedana aan la fahmin. Marka waxaan kuleenahay hadaanahay shacabka DDSI, shacabka oromada iyo shacabka soomaaliduba waa dadkaagii. Mararka qaarkood ee aad wax  tixraacayso hadaladaada waxaa kamuuqday qaab-dhismeed lagu wareerayo. Ugu danbayna hadalada aad kuhadlayso waa inay noqdaan mid nabadgalyo iyo xasilooni keenaysa iskuna soo jiidaysa shacabka walaalaha ah. Sidoo kale, warbixintaada waxaa kujiray inuu Baale dagaal kadhacay taasoo muujinaysa inaysan xogtaadu ahayn mid xaqiiqda kusalaysan.

Ugu danbayn shacabka dawlada deegaanka soomaalida itoobiya inuu yahay shacab itoobiyaanimadiisa kufaanaya islamarkaana yahay mid kafaaiidaysanaya xuquuqaha dastuuriga ah ee uu leeyahay itoobiyaanimadana naf iyo maalba usoo huray oo uu cadaw kasta oo federalismka iyo dastuurkeena lagu hantay halgankii naf iyo maalba loo soo huray uu kadifaaci balan buu kuqaaday.

                                                       

                                                                                       Bye shacabwaynaha DDSI