Xafiiska Caafimaadka DDSI Oo Tababar U Furay Shaqaalihii Dhawaan Lagu Shaqaaleeyay Nidaamka Bakhtiyaa Nasiibka ah.

Jigjiga(cakaaranews) Talaado 28ka November 2017. Dhawaan ayay ahayd markii ay xukuumada DDSI 4kun oo arday ah oo ka soo qalinjabisay jaamacadaha dalka iyo kuliyadaha deegaanka ku shaqaalaysiisay nidaamka gacantaada isku meelee oo ah in ardaygu si bakhtiyaa nasiib ah gacantooda ugu qaataan warqad ay ku qorontahay booska shaqada iyo goobta shaqadiisu noqonayso.

Haddaba, ardaydaasi waxaa ka mid ahaa 1000 arday oo gacantooda isugu shaqaalaysiiyay sectarka caafimaadka ee degmooyinka deegaanka waxaana maanta tababar u furay xafiiska caafimaadka DDSI tababarkaasi ayaa waxay ujeedadiisu tahay sidii shaqaalahan cusub kor loogu qaadilahaa garoodkooda aqooneed ee dhinaca istaraatajiyadaha iyo siyaasadaha caafimaada gaar ahaan nidaamka adeega bixinta caafimaadka. Waxaana, furitaankii tababarkaasi ugu horayntii ka hadlay wasiirka caafimaadka DDSI mudane xasan ismaaciil cali oo sharax dheerka ka bixiyay jihooyinka iyo istaraatajiyadaha ku salaysan adeegyada caafimaadka, sidii looga midho dhalin lahaa iyo dadaalka xoogan ee ay xukuumada DDSI ugu jirto taaba galinta adeegyada caafimaadka wasiirka ayaa shaqaalahan cusub tilmaan dheer ka siiyay doorka ay ku leeyihiin taaba galinta adeegyada caafimaadka islamarkaana ay yihiin cudud shaqaalo oo xawaare galinaysa xaqiijinta tayada adeegyada caafimaadka la gaadhsiiyano bulshada deegaanka

Wasiirka oo hadalkiisa sii wata  ayaa ku booriyay shaqaalahan cusub ee xirfadlayaasha caafimaadka ee nidaamka bakhtiyaanasiibka ah gacantooda isugu meeleeyay degmooyinka deegaanka in ay ka soo midho dhaliyaan xilka iyo waajibaadka loo igmaday islamarkaana ay bulshada deegaanka gaadhsiiyaan adeeg bixin caafimaad tayaleh oo ku sifaysan naxariis, qadarin, anshaxa wanaag, cad-cadaan iyo xilkasnimo.

 

Iskusoowada duuboo, Tababarkan maanta loo furay shaqaalaha cusub ee dhinaca caafimaadka ayaa waxa uu socondoonaa muddo laba maal-mood ah waxaana cashiro ku tacaluqa siyaasadaha caafimaadka ka bixinaya khabiiro ka socda xafiiska caafimaadka DDSI.