MW CMC Oo Soo Dhaweeyay Wafti Balaadhan Oo Uu Horkacayo Safiirka Wadanka Neither-land u Fadhiya Dalkeenan Ethiopia

Jigjiga(cakaaranews)Arbaco, 29ka November 2017. Madaxwaynaha DDSI mudane Cabdi Maxamuud Cumar oo ay waheliyaan masuuliyiin heer deegaan ah ayaa garoonka diyaaradaha caalamiga ah ee Garaad WiilWaal kusoo dhaweeyay Wafti balaadhan oo uu hogaaminayo safiirka wadanka Neitherland ufadhiya xarunta dalkeenan Ethiopia ee magaalada Adhisababa Ambassador Ben-tivan lousderk oo ay waheliso xoghaya guud ee laanqayrta cas ee Ethiopia marwo Ferehiwot Warqu iyo masuuiyiin kale..

Soo dhawayn kadibna, Waftigan oo ay waheliyaan masuuliyiin heerdeegaan ah ayaa xadhiga kasoo kajaray biyo-xidheenka laga hirgaliyay tuulada Harre oo caasimada deegaanka ujirta 35 km, dhismaheedana ay fulisay Hay’ada Laanqayrta Cas ee Ethiopia taasoo kaashanaysa xafiiska Horumarinta khayraadka Biyaha DDSI islamarkaana ay maalgalisay hay’ada Laanqayrta Cas ee wadanka Neither land.

Hadaba, xadhig kajarka kadib ayaa waxaa warbaahinta lahadlay safiirka xarunta dalka Ethiopia  ee magaalada adhisababa u fadhiya dalkaasi Neither land mudane Ben-tivan lousderk oo sheegay in dawlada neither land iyo dawlada Ethiopia uu kadhaxeeyo xidhiidh adag oo dhinacyo badan ah islamarkaana mashaariicaha biyuhu ay yihiin arrimo muhiim ah oo ay ubaahan yihiin bulshada kudhaqan deegaanka soomaalida Ethiopia. Wuxuuna u mahadceliyay sida fiican ee ay dhismaha mashruuca  bulshadu ugala qayb-qaadatay hay’adaha iska kaashaday fulinta mashruucan.

Sidookale, xoghayaha guud ee laanqayrta cas ee dalka Ethiopia marwo ferehiwot warqu oo iyadna ka hadashay xadhig kajarka biyo xidheenkan ayaa sheegtay in kadib markii isbadalka cimiladu ay keentay abaaro kadibna ay saamaysay dadka iyo duunyadaba ay doorteen samaynta biyo xidheenkan. Iyagoo kaashanaya xafiiska Hor- Khay- biyaha DDSI, islamarkaana maalgalinta kahelay hay’ada Laanqayrta Cass ee wadanka Neither land.  

Dhankakale, wasiir kuxigeenka xafiiska kahortaga iyo u diyaargarawga masiibooyinka DDSI mudane Anwar Cali oo isna kahadlay biyo xidheenkan ayaa sheegay in dhaamkani waxwayn katari doono baahiyaha bulshada xoolo dhaqatada ah ee dhanka biyaha kuwaasoo kudhaqan tuulada Harre. Wuxuuna xusay in uu aad ugu mahadcelinayo hay’adahan  iska kaashaday iyo waliba xafiiska biyaha DDSI.

Iskusoowada duuboo, biyo xidheenkan ayaa ah mid ay kafaa’iidaynsanayaan bulsho dhan 1380 qoys iyo waliba xoolo tiradoodu kabadan tahay 37000 oo neef, waxaana kubaxay lacag dhan 13.5 milion birr.