MW CMC Oo Xafiiskiisa Ku Qaabilay Wafti Balaadhan Oo Heer Caalamiya.

Jigjiga(Cakaaranews) Khamiis 30ka November 2017. waxaa maanta si meeqaam sare ah loogu soo dhaweeyay garoonka diyaaradaha ee garaad wiil-waal international Airport ee caasimada DDSI.wafti heer caalamiya oo ka kala socdo wadamada Australia iyo new Zealand kuwaasi oo isugu jiray maalgashadayaal heer caalamiya iyo maalgashadayaal qurba joogta u dhalatay deegaanka ah.

Waftigan oo ay garoonka ku soo dhaweeyeen mas’uuliyiin ay ka mid yihiin madaxwayne ku xigeenka DDSI ahna wasiirka Xafiiska horumarinta beeraha iyo  khayraadka dabiiciga ah marwo Sucaad Ahmed Faarax ayaa waxaa soo dhawayn ka dib xafiiskiisa ku qaabilay madaxwaynaha DDSI mudane Cabdi Maxamuud Cumar oo ay wehelinayaan golaha kaabineega DDSI

Hadaba madaxwaynaha DDSI mudane Cabdi Maxamuud Cumar oo kulankan furay ayaa ugu horayntii u mahad celiyay waftigan maalqabeenada heer caalamiya ee u socda in ay deegaanka maalgashadaan. Madaxwaynaha ayaa sharax dheer ka siiyay waftigan xaaladaha guud ee deegaanka iyo isbadaladii uu soo maray sidoo kale waxa uu madaxwaynaha DDSI ugu warbixiyay waftigan khayraadka guud ee uu deegaanka hodanka ku yahay iyo fursadaha maalgashi ee uu deegaanku leeyhaay madaxwaynaha ayaa u sheegay waftigan in ay xukuumada DDSI si diiran ugu soo dhawaynayaan deegaanka qofkasta oo maalgashi ka samaysanaya.

Ugu Danbayna waxay waftigan booqdeen jaamacada jigjiga oo uu warbixin kooban ku siiyay madaxwayne ku xigeenka jaamacada jigjiga mudane Ilyaas Cumar isaga oo uga warbixiyay geedi socdka jaamacada waaxaha ay ka kooban tahay culuunta ay bixiso iyo tirada ardayda wax kabarata jaamacada jigjiga. Meelaha kale ee ay booqdeen waftigani maanta waxaa ka mid ahaa cusbitaalka wayn ee jigjiga (meles referral hospital) waxayna u kuur galeen hanaanka shaqo ee cusbitaalka iyada oo ay warbixino ka siinayeen xaaladaha guud ee cisbitaalka mas’uuliyiinta iyo hawlwadeenada cusbitaalka.