Kulan Wacyigalin Ah Oo Ku Saabsan Hanaanka Anshaxa Iyo Milgaha Qaranka Ayaa Ka Dhacay Jigjiga.

Jigjiga,(cakaaranews), talaado, 5ta, December, 2017. Waxaa maanta ka qabsoomay hoolka shirarka ee dugsiga sare ee maamulka magaalada jigjiga kulan wacyigalin ah oo lagaga hadlayay hanaanka anshaxa iyo milgaha qaranka  oo uu soo diyaariyay xafiiska waxbarashada DDSI.

Kulankaasi oo ay ujeedadiisu ahayd dar-dargalinta guud ahaanba  geedi socodka baris-barasho  ee dugsiyada maamulka magaalada jigjiga gaar ahaan anshaxa iyo milgaha qaranka ayaa   loo qabtay maamulayaasha dugsiyada, macalimiinta iyo waalidiinta ardayda wax-ka barata dugsiyada maamulka magaalada jigjiga,  waxaana  kala soo qaybgalay masuuliyiinta xafiiska waxbarashada DDSI.

Waxaana furitaankii kulankaasi ka hadlay wasiirku xigeenka waxbarashada DDSI mudane Maxamuud Axmed Nuur(Heeryo)  oo ka warbixiyay ahmiyada iyo ujeedooyinka uu leeyahay kulankan wacyigalinta ah isaga oo sharax  dheer bixiyay dadaalka balaadhan ee loogu jiro ka midho dhalinta istaraatajiyadaha iyo siyaasada waxbarashada wasiir ku xigeenka ayaa sheegay in tiro ka badan 1 millyan oo arday ah waxka bartaan dugsiyada deegaanka islamarkaana maamulayaasha, macalimiinta iyo waalidiinta ardayda looga baahan yahay iskaashiga  soo saarida arday ku gaashaaman anshax iyo aqoon wasiir ku xigeenka ayaa tilmaamay in wasaarada waxbarashada heer faderaal ay samaysay daraasaad ku saabsan anshaxa iyo milgaha qaranka oo ah soo saarida arday leh anshax iyo aqoon  wasiir ku xigeenka ayaa ku booriyay maamulayaasha, macalimiinta iyo waalidiinta ardayda dugsiyada maamulka magaalada jigjiga in ay  dar-dargaliyaan kaalin mug wayna ka qaadaan dadaalka loogu jiro ka midho dhalinta qorshayaasha waxbarashada gaar ahaan soo saarida arday leh ansha iyo aqoon fuhan.

Dhankooda qaarka mid ah waalidiintii, maamulayaasha iyo macalimiinta dugsiyada maamulka magaalada jigjiga oo ka hadlay kulankaasi ayaa  soo dhaweeyay kulankan wacyigalinta ah waxayna sheegeen  in ay ka soo baxayaan islamarkaana xooga saarayaan sidii ay u soo saarilahaayaan arday leh anshax iyo aqoon  si looga midho dhaliyo hayaanka geedi socodka tayaynta waxbarashada