Xuska 12Aad Ee Maalinta Qoomiyadaha Iyo Shucuubta Itoobiya Oo Si Heer Qaran Ah Loogu Xusay Samara

Samara,(cakaaranews), jumce, 8da December, 2017. Waxaa maanta si balaadhan oo  heer qaran ah  loogu xusay  magaalada samara ee caasimada deegaanka canfarta  munaasabada  xuska  12 jirsaday ee  29ka hidaar oo ah  maalintii midaysay  qoomiyadaha iyo  shucuubta  dalkeena itoobiya.

Munaasabadan oo ah mid ku wayn qalbiyada iyo quluubta shacabwaynaha dalka itoobiya ayaa   waxaana ka soo qaybgalay masuuliyiinta ugu saraysa JDFI oo ay ka mid yihiin Raysulwasaaraha JDFI mudane Hailemariam Desalegn, afhayeenka golaha fadareeshinka JDFI mudane Yalaw Abatu, madaxwayne yaasha dawlad deegaanada dalka oo uu ka mid yahay madaxwaynaha DDSI mudane Cabdi Maxamuud Cumar, madaxwayne yaasha wadamada aan dariska nahay oo ay ka mid yihiin madaxwaynaha jabuuti mudane Ismaaciil Cumar Geele, madaxwaynaha Dalka  suudaan Cumar Xasan Albashiir, Raysil-wasaare ku xigeenka  dalka soomaliya Mahdi Axmed guuleed, danjirayaasha u fadhiya caalamka dalkeena itoobiya,  wakiilo ka socday dhamaan wadamad aan dariska nahay kooxaha dhaqanka dawlad deegaanada dalka iyo marti sharaf kale oo heer caalamiya.

Munaasabadan oo ahayd mid si qurux badan loo soo agaasimay islamarkaana ku qabsoontay jawi aad u qurux badan ayaa waxaa ugu horayntii ka hadlay Raysul wasaaraha JDFI mudane Hailemariam Desalegn oo  ugu horayntii munaasabadan qiimaha badan ugu hambalyeeyay dhamaanba qoomiyadaha iyo shucuubta dalkeena itoobiya Raysulwasaraha  ayaa ka warbixiyay ahmiyada ay leedahay munaasabadan qaaliga ah ee 29ka hidaar  oo ah buu yidhi  maalinta taariikhiya oo lagu xasuusanayo soonaalkii taariikheed ee u dalka soomaray laguna asteeyo jihooyinka horumarineed nabadgalyo ee uu dalku hiigsanayo sidoo kalena tahay maalintii  xaqiijisay xuquuqaha qoomiyadaha, iskaashiga walaalnimada iyo  wadanoolaanshaha qoomiyadaha iyo shucuubta dalkeena itoobiya  raysul wasaaraha hadalkiisa siiwata ayaa tilmaamay in ay tahay munaasabadani maalin ahmiyada wayn ugu fadhida muwaadiniinta dalka itoobiya islamarkaana xambaarsan hadaf mihiim ah. sidoo kalena ay tahay maalinta dhashay dastuurka JDFI  dibna loogu xasuusta taariikhdii madoobayd ee uu dalku soo maray. Raysil wasaaraha ayaa sheegay in JDFI xooga saarayso xakamaynta iyo ka hortaga waxyaabaha caqabadku noqon kara geediga horumarka Dalkeena itoobiya iyo ka midho dhalinta qorshayaasha lagu tir tirayo saboolnimada laguna gaadhayo horumar waara oo joogtaysan.

Waxaa kale oo ka hadlay munaasabadan afhayeenka golaha fadareeshinka JDFI mudane yalow abatu   oo ka warbixiayya ahmiyad ay leedahay munaasabada xuska Maalinta qoomiyadaha iyo shucuubta dalka itoobiya oo  sheegeen in ay tahay maalinta xaqiijisay  sinaanshaha qoomiyadaha iyo shucuubta itoobiya iyo hirgalinta hawlaha  horumarkan  maanta dalku haysto afhayeenka ayaa sheegay in loo baahan yahay in la sii xoojiyo tixgalinta dastuurka dalka adkaynta nidaamka faderalisamka iyo wada isqadarinta wadanoolaanshaha qoomiyadaha iyo shucuubta dalkeena itoobiya

dhankooda madaxwaynaha dalka jabuuti mudane ismaaciil cumar geele madaxwaynaha dalka suudaan cumar xasan albashiir iyo raysilwasaare ku xigeenka dalka soomaliya mudane mahdi axmed guuleed oo ka  ka hadlay munaasabadan ayaa qoomiyadaha iyo shucuubta dalkeena itoobiya ugu hambalyeeyay xuska munaasabadan 12aad ee 29ka hidaar waxayna sheegeen in munaasabada xuska maalinta qoomiyadaha dalka itoobiya tahay mida xaqiijisay xuquuqaha qoomiyadaha iyo  horumarka muga wayn ee  dalka maanta gaadhay waxayna  sheegeen in ay wadamada dariska maanta la qaybsanayaan farxadan qoomiyadaha iyo shucuubta dalka itoobiya islamarkaana sii xoojinayaan xidhiidhka walaalnimo wadashaqayneed  iskaashi iyo daris wanaaga ka dhexeeya itoobiya iyo wadamada ay hogaamiyayaashan  ka socdaan  

kooxaha hidaha iyo shaqamada ee  qoomiyadaha iyo  shucuubta dalkeena itoobiya ayaa waxay qoomiyada kastaaba ku soo bandhigtay munaasabadan ciyaaraha hidaha iyo dhaqanka ee ay qoomiyad kastaaba gaarka u leedahay taasi oo ay siwayn uga dhexmuuqdeen kooxda hidaha iyo dhaqanka ee dawlada deegaanka soomalida itoobiya.

Gabagabadii munaasabadan xuska maalinta qoomiyadaha iyo shucuubta dalkeena itoobiya ayaa  waxa hadiyada iyo abaalmarino la gudoonsiiyay masuuliyiinta iyo marti sharaftii ka soo qaybgashay munaasabadan. iyada oo ay xusid mudan tahay in madaxwaynaha DDSI mudane Cabdi Maxamud Cumar uu ka mid ahaa masuuliyiinta sida sharafta iyo maamuusta mudan loogu  karaamada munaasabadan isamarkaana uu raysil wasaaraha dalku  ku  gudoonsiiyay koobka wabiga dib u curashada dalkeena ee ABAY.