MM. Dhagaxbuur Iyo kulan Wacyigalin Ah Oo Kusaabsan Hanaanka Anshaxa Iyo Milgaha Qaranka Oo Ka Qabsoomay

Dhagaxbuur(cakaaranews)Axad, 10ka December 2017. Kulan balaadhan oo uu soo agaasimay geedisocodka waxbarashada anshaxa iyo milgaha qaranka ee xafiiska waxbarashada DDSI islamarkaana ujeedadiisu tahay wacyigalin kusaabsan anshaxa iyo milgaha qaranka loona qabtay Gudiga waalidiinta, maamulayaasha dugsiyada kaladuwan iyo waliba qaar kamid ah barayaasha wax kadhiga dugsiyada kaladuwan ee magaalada ayaa kaqabsoomay hoolka shirarka ee isla magaalada dhagaxbuur.

Hadaba, kulankan wacyigalinta ah  ayaa waxaa furitaankiisii ugu horayn kahadlay Gadhwadeenka Geedisocodka Waxbarashada Anshaxa iyo Milgaha Qaranka Ee Xafiiska Waxbarashada DDSI marwo Farxiya Cabdulaahi Khaliif oo sheegatay in kulankani yahay mid wacyigalin ah oo ku’aadan barashada iyo hirgalinta cilmiga milgaha qaranka iyo anshaxa. Kaasoo looga baahanyahay dhamaan ardayada dugsiyada kaladuwan inay noqdaan kuwa u dhuun duleela. Si ay unoqdaan arday anshax leh islamarkaana ku dhiiran waxbarashada. Marwada oo hadalkeeda sii wadata ayaa tilmaantay in dhamaan ardayda deegaankeena looga baahanayahay inay kubarbaaraan anshax wanaagsan islamarkaana waalidiinta iyo macalimiinta looga baahanayahay inay doorkooda kaga aadan kaqaataan. Waxayna carabka kuadkaysay in waalidiinta iyo macalimiintuba xooga saaraan  hirgalinta waxbarahsda anshaxa iyo milgaha qaranka.

Sidookale, mudane Siciid Cabdi Ismaaciil  oo ah macalin wax kadhiga kuliyada macalimiinta ee Dr Cabdimajiid Xuseen ayaa isna kulankan wacyigalinta ah kasoojeediyay mawduucyo kaladuwan oo laxidhiidha  Hirgalinta cilmiga barashada milgaha qaranka iyo anshaxa. Iyo waliba muhiimada wayn uu ueeyahay dhanka baris barasho ee udhaxeeya ardayda iyo macalimiinta. Wuxuuna tilmaamay in barashadiisa iyo hirgalintiisa ay doorway kuleeyihiin waalidiinta iyo macalimiinta dugsiyadu.

 

Iskusoowda duuboo, wacyigalintan anshaxa iyo milgaha qaranka ayaa larabaa in siwayn loo gaadhsiiyo dhamaan waalidiinta, macalimiinta iyo ardayda deegaanka si loo helo arday anshax wanaagsan oo natiijo fiican ka keenta waxbarashada.