MW CMC Iyo Odayaal Dhaqameedka Deegaanka Oo Booqday Gaadiidka Iyo Mashiinada Waawayn Ee Lagu Hirgalinayo Qorshayaasha Horumarineed

Jigjiga(Cakaaranews) Axad 10ka December 2017. Madaxwaynaha DDSI mudane Cabdi Maxamuud Cumar, waftigii balaadhnaa  ee uu hogaaminayay iyo odayaal dhaqameedka deegaanka ayaa kadib markii maamulka magaalada jigjiga ku wareejiyeen koobkii mashruuca biyoxidheenka wabiga abay waxay booqasho ku tageen gaadiidka iyo mashiinada waawayn ee lagu hirgalinayo mashiiriicaha horumarineed ee laga fulinayo deegaanka ee ay xakuumadu soo iibasay.

Hadaba gaadiidakan iyo mashiinadan waawayn ayaa isugu jiray 58 booyadood oo si casri ah loo sameeyay oo ah booyado loo isticmaali karo dhanka dabdamiska  iyo biyo dhaamisba islamarkaana la gaadhsiin doono dhamaan gobolada deegaanka si looga jawaabo baahida bulshada ee dhanka horumarinta .

Intaas kadib ayaa waxay mas’uuliyiinta iyo odayaal dhaqameedka deegaanku si wadajir ah ubooqdeen xarunta naaxinta xoolaha deegaanka halkaas oo ay ku xaraysanyihiin geel lo iyo adhiba si looga jawaabo qorshaha xukuumada ee baabaca. Ugu danbayna waxay mas’uuliyiinta iyo odayal dhaqameedka deegaanku booqdeen mashiinada waawayn ee biyaha macaaneeya kuwaasoo loogu talagalay in lagu macaaneeyo goobaha biyaha macaan laga waayay islamarkaana mashiinadan biyaha  oo tiradoodu dhantahay 10 mashiin ayaa hada shaqadooda ka bilaabi doona ceelka biyaha badan ee jarati balse biyahiisu khadhaadh yihiin, Waxaa kale oo kamid goobaha mashiindan la gayn doono ceelka lababaar ee degmada shilaabo, ceelka degmada garbo, Ceelka higlaalabiir ee degmada horshagax iyo goobo kale oo kamid ah deegaanka. Iyadoo mashiinadani yihiin mid 90 % soo saaraya biyo nadiif ah.