Shirkii Ururada Kubahoobay Xisbiga EPRDF Iyo Xisbiyada Bahwadaagta la ah Oo Kafurmay Xarunta Dalka

Addis-ababa,(cakaaranews), khamiis, 4ta January,, 2018, Kulan ay yeesheen 4ta xisbi ee kubahoobay xisbiga EPRDF iyo 5ta xisbi ee bahwadaagta la ah xisbiga EPRDF ee soomaalida, canfarta, benishangul, gambella iyo hararida ayaa kaqabsoomay xarunta dalka ee magaalada adhisababa.

Kulankan ayaa xisbiyada bahwadaagta la ah xisbiga EPDRF waxaa loogu soo bandhigay warbixintii qiimayntii qotoda dheerayd ee 18ka maalmood usocotay ururada kubahoobay xisbiga EPRDF si kafaah-faahsan siday warbaahintu usoo dhigtay gaar ahaan geedi-socodkii qiimaynta, dhibaatooyinkii dhacay iyo sidii la isugu qiimeeyay iyo waliba natiijadii kasoo baxday. Kadibna xisbiyada ayaa si qotodheer uga dooday. Waxaana la islaqaatay dood dheer kadib in qiimayntan hoos loo dhaadhiciyo inkastoo ay XDSHSI iyo xukuumada DDSI ay shirkan kahorba sii bilaabeen islamarkaana dhaadhiciyeen qiimayntan.

Hadaba, Xisbiga EPRDF ayaa waxaa kamid ahaa khaladaadka uu hoosta kaxariiqay fikir aad loo buunbuuniyay oo ahaa inay jirto sarayn ah qawmiyada tigray arinkaas oo in badan dhex socday xisbiga EPRDF ilaa iyo labadii sano ee udanbaysay balse bayaan ay shirkii qiimaynta EPRDF kasoo saareen ayay kusheegeen in arinkaasi uu ahaa been iyo barobagando aan sal iyo raad lahayn wax cadayn ahna loo waayay.

Sidoo kale, hogaaminta XDSHSI ayaa soo dhigay in arinkaas ay iyagu horayba ugu arkeen inuu yahay been iyo barobagando larabay in lagu dumiyo nidaamka federalismka ah iyo dastuurka dalka laguna xasuusto inay shacabka soomaalidu ay si cad uga soo horjeedsadeen beentaas iyo barobagandadaas larabay in lagu dumiyo dastuurka iyo federalismkaba.

  Dhanka kale, XDSHSI ayaa kutilmaamay qiimayntii iyo islahalgankii shirkii 18ka cisho magaalada adhisababa uga socday xisbiga EPRDF talaabo sax ah oo ay EPRDF qaaday.

Ugudanbayna, kulankan ayaa waxaa kasoo baxay go'aamo muhiim ah oo waxtar uleh guud ahaanba shacabwaynaha dalka oo udhignaa sidan:

1.  Waxay qiimayntu dusha kasaartay dhamaan dhibaatooyinkii dhacay gudiga fulinta gaar ahaan hogaaminta sare ee xisbiga EPRDF maadaama oo xiligii dhibaatooyinku dhacayeen aysan daraasaad kusamaynin markay dhacdayna aysan xal kakeenin.

 2.  Wuxuu xisbigu sidoo kale cadeeyay inay xisbiga EPRDF kadhex dhalatay koox bilaa hogaamin ah oo kumidawday danaysi iyo aragti xumo kadhan ah jihooyinka ay EPRDF kumidawday

 3.   Waxay hogaaminta sare ee xisbiga EPRDF gaar ahaan gudiga fulintu ay qaadatay dhaliisha dhamaan dhibaatooyinkii dhacay islamarkaana ay raalin galin kawaydiisteen guud ahaan shacabwaynaha dalka, xubnaha EPRDF iyo ururada kale ee bahwadaagta la ah xisbiga EPRDF

4.   Wuxuu xisbiga EPRDF balanqaaday in dhamaan khaladaadkii dhacay ay saxayaan oo ay sugayaan saraynta sharciga, xasiloonida iyo nabadgelyada dalka.

5. Waxaa kale oo uu xisbigu go'aamiyay in ururada katirsan xisbiga EPRDF ay si gooni ah isugu qiimeeyaan dhibaatooyinka maamul xumo ee laqiimeeyay cidii kulug-lahaydna talaabo laga qaado

 6.  Wuxuu xisbigu ku amaanay ciidamada difaaca qaranka shaqooyinka muhiimka ah ee ay kaqabteen dhibaatooyinkii dhacay isagoo bogaadin usoo jeediyay

 7.  In dhibaatooyinkii kajiray dhanka xadka ee gaar ahaan soomaalida iyo oromada oo qayb ka ahaa xumadii siyaasadeed ee guud ahaan kajirtay dalka xal waara laga gaadho.

 8.       In laceliyo dib udajina loo sameeyo barakacayaashii labada dhinac