Shirkada Maalgashiga Wayn Ee Dangote Group Ayaa Sheegtay In Ay Sii Laban Laabayso Maalgashiga Dalka Ethhiopia

Adhisababa (cakaaranews)Jumce, 5ta January 2018.Dangote Group oo ah shirkadaha Afrika ee hogaaminaya shirkadaha iyo warshadaha qaarada ayaa ku dhawaaqday in qorshayaal lagu kordhinayo maal-gashigooda ku aadan dalkeenan Itoobiya. iyadoo Shaacinta labajibaarka maalgalintooda ay timid ka dib wadahadaladii dhaxmaray Raisal Wsaaraha JDFI mudane Haile-Mariam Desalegn iyo milkiilaha Dangote Group mudane Aliko Dangote islamarkaasna ay xafiiska Raisal wasaaraha kuwada hadleen.

Hadaba, Raisal wasaaraha iyo Dangote ayaa waxay ka wada hadleen sidii loo kordhin lahaa maalgashiga kooxda ee Itoobiya. Iyadoo Ra'isal Wasaaruhu sheegay in dawladda Ethiopia ay ka go'an tahay sidii ay u bixin laheyd taageerada ay u baahan yihiin ee dhanka maalgashiga, wuxuuna intaa kudaray in wixii dhibaato ah ee ka jiray dalka xalkeeda lagu gudajiro, xalbadana ay gaadheen islamarkaana wadanka oo dhan lagu soo dabaalay nabadgalyo. Hada wixii kadanbeeyana la adkayn doono nabadgalyada dalka. Isagoo tilmamay Raisal-wasaaruhu in kooxdu ay leedahay qorshe lagu dhisayo warshad samaysa kaydka waxsoosaarka sibidhka taasoo ah warshad awood uleh islamarkaana ay ku garab taaganyihiin.

Sidookale, Milkiilaha Dangote Group mudane Aliko Dangote ayaa u mahadceliyay raisal wasaarha kadibna sheegay in uu doonayo in uu laba jibaaro maalgashigiisa mustaqbalka qaybta warshadaha sibidhka. Wuxuuna farta kufiiqay in maalgashigoodani uusan ahayn maalgalin hal mar ah "Ma ahan maal-gashi hal-mar ah,", isaga oo intaa ku daray in ay xaqiijinayaan in labada dhinacba ay ka wada faa'iideysan doonaan. isagoo carabka kuddhuftay in si wadajir  loola dagaallamo wixii caqabad ah ee soo food saarta."

Dhanka kale, Sida laga soo xigtay ENA, ayaa sheegaya in maal-gashiga Dangote ee Itoobiya wakhti xaadirkan uu galiyay dhanyahay 600 milyan oo Dollar. Isaga oo furay warshad sibidhka ah oo ku taala Itoobiya sannadkii 2015-ka oo lagu qiimeeyay 480 milyan oo doolarka Mareykanka ah warshadaasoo  85km u jirta Addis Ababa. Iyadoo Warshadaasina ay  awood uleedahay inay soosaarto 2.5 milyan tan oo ah sibidhka sanadkiiba.

Iskusoowada duuboo,  Mulkiilaha shirkadan dangote group  ayaa ah ninka  ugu taajirsan Africa iyo ganacsatada Nigeria. Waxaana laxaqiijiyay in Itoobiya ay tahay suuqa ugu faa'iidada badan ee sibidhka Dangote kahesho, Waxayna iibisay 1.7 malyan sagaalkii bilood ee ugu horreeyay sannadka 2017’’.