Tuulada Qoloji Iyo Xubno Kamid Ah Golaha Wakiilada Shacabka Ee JDFI Oo Deeq Taakulayn Ah Soo Gaadhsiiyay

Qoloji (cakaaranews)Jumce, 12ka January 2018. Xubno kamid ah Golaha Wakiilada Shacabka JDFI gaar ahaan xildhibaanada dumarka ah ayaa deeq soo gaadhsiiyay bulshada kasoo barakacday deegaanka oromada islamarkaasna ay xukuumadu dajisay tuulada qoloji iyadoo deeqdaasani ay ahayd  dhar ay ugu talagaleen haweenka iyo caruurta.

Deeqdan Ayaa waxa ay xildhibaanadu bulshada barakacayaasha ah u soo mariyeen xafiiska arrimaha haweenka iyo caruurta DDSI. Iyadoo masuuliyiinta xafiiska iyo xildhibaanaduna ay si wadajir ah ugu wareejiyeen bulshada barakacayaash ah ee kudhaqan tuulooyinka qoloji1 iyo qoloji2  

Hadaba,  Marwo Xildhibaan Saxarla Cabdulaahi Iyo Marwo Ababayo Gizahun oo kamid ah xubnaha deeqda waday ee kasocday xildhibaanada dumarka ah ee JDFI ayaa kawarbixiyay deeqdan iyagoo sheegay in deeqdani ay tahay dhar kala duwan oo ay ugu talagaleen bulshada barakacayaasha ah. Waxayna xuseen in deeqdani ay tahay markii ugu horaysay ee ay soo gaadhsiiyaan barakacayaasha islamarkaansna ay tahay mid ka timid xildhibaanada dumarka ah ee JDFI. Waxayna xuseen in haduu allaha awooda lihi ogalaado ay sii wadayaan gargaarkooda ku aadan bulshadaasi.

 

Dhanka kale, Wasiirka Xafiiska Arrimaha Haweenka Iyo Caruurta Marwo Raxma Suldaan Maxamuud Haybe oo iyadna deeqdan kahadashay ayaa sheegtay in ay aad ugu mahadcelinayso gudiga xildhibaanada dumarka ah ee JDFI sida wanaagsan ee wadaniyada leh ee ay isu xilqaameen islamarkaasna ay deeqdan dharka ah u soo gaadhsiiyeen bulshada barakacayaasha ah ee ladajiyay tuulooyinnka qoloji.

Ugudanbayna, qaarkamid ah bulshada barakacayaasha ah oo dareenkooda kahadlay ayaa sheegay in ay aad ugu faraxsanyihiin deeqdan lasoo gaadhsiiyay islamarkaasna ay u mahadcelinayaan xildhibaanada JDFI gaar ahaan xildhibaanada dumarka ah.