Kulan Wadatashiya Oo Ay Yeesheen Xukuumada DDSI Iyo Qurba Joogta North America Ayaa ka dhacay Minneapolis.

Minneapolis, (cakaaranews), sabti, 13ka, January, 2018. Kulan balaadhan oo wadatashiya oo ay yeesheen masuuliyiin ka socday xukuumada  DDSI ee ay hogaaminasay wasiirka horumarinta xoolaha iyo reer guuraaga DDSI marwo Maajida Maxamed Maxamuud ee ay ku wehelinayeen wasiirka ganacsiga gaadiidka iyo warshadaha DDSI ahna madaxa arimaha xisbiga xarunta dhexe ee XDSHSI muddane Khadar Cabdi Ismaaciil iyo wasiirka madaxtooyada DDSI mudane cabdimahad maxamed cabaase,  masuuliyiinta safaarada dalkeena itoobiya ee wadanka maraykanka oo ugu horeeyo safiirka  dalkeena itoobiya u fadhiya maraykanka  mudane Kase Tegle Burhan  islamarkaana ka soo qaybgaleen hogaaminta jaaliyada DDSI ee north America qaybaha kala duwan ee jaaliyada north sida odayaasha , aqoon yahanada, dhalinyarada iyo  haweenka ayaa ka dhacay magaalada Minneapolis ee cariga marakaykanka.

Kulankaasi ayaa waxay ujeedadiisu ahayd sidii looga wadatashan lahaa dar dargalinta iyo kor u qaadista qorshayaasha horumarka ,ka qaybgalsha mashaariicaha heer qaran ay ku leeyihiin qurba joogta DDSI iyo waliba sidii ay qurba joogta DDSI u sii xoojin lahaayeen kaalinta ay ku leeyihiin hirgalinta hawlaha horumarka nabadgalayda iyo maalgashiga.

Waxaana ugu horayntii kulankaasi ka hadlay masuuliyiintii ka socotay xukuumada DDSI ee ay hogaaminasay wasiirka horumarinta xoolaha iyo reer-guuraaga DDSI marwo maajida maxamed maxamuud ee ay ku wehelinayeen wasiirka ganacsiga gaadiidka iyo warshadaha DDSI ahna madaxa arimaha xisbiga xarunta dhexe ee XDSHSI muddane khadar cabdi ismaaciil iyo wasiirka madaxtooyada DDSI mudane Cabdimahad Maxamed cabaase kuwaasi oo ugu horayntii ugu mahad celiyay qurba joogta DDSI sida meeqaamka sare ah ee ay uga soo qaybgaleen kulanka waxayna si qoto dheer uga warbixiyeen isbadalka horumarineed ee sida xawliga ah uga taaba galay deegaanka iyo sidii loo sii xoojin lahaa qorshayaasha horumarka nabadgalyada iyo maamulka suuban iyo doorka ay ku leeyihiin qurba joogta DDSI hirgalinta qorshayaasha horumarka iyo maalgashiga waxayna ku amaaneer qurba joogta DDSI sida balaadhan ee ay uga qayb-qaadeen taaba galinta hawlaha horumarka iyo nabadgalyada ka hirgalay deegaanka .

Dhankiisa waxaa kulankaasi ka hadlay safiirka dalkeena itoobiya u fadhiya  dalka maraykanka mudane Kase Tegle Burhan  oo ugu horayntii sheegay in uu aad iyo aad ugu faraxsan yahay in uu kala soo qaybgalo qurb joogta DDSI kulankan wadatashiga ah wuxuuna qurba joogta DDSI ku amaanay sida wadaniyada leh ee ay uga qayb-qaadanayaan hawlaha horumarka nabadgalyada,  maalgashiga  iyo ka qaybgalka mashaariicaha heer qaran ee ka hirgalay dalka sanadihii ugu dambeeyay safiirka ayaa ku booriyay qurba joogta DDSI in ay sii wadaan dadaalkooda wadaniyadeed ee ay kaga qayb-qaadanayaan hawlaha horumarka nabadgalyada iyo maalgashiga wuxuuna intaasi ku daray in ay si fiican uwada shaqayn-doonaan qurba joogta DDSI iyo safaarada dalka itoobiya ee dalka marakaykanka.

Sidoo kale qurba joogt DDSI ee waqooyinga america oo ka hadlay kulankaasi ayaa uga mahad naqay masuuliyiinta DDSI iyo safiirka dalka dalka itoobiya u fadhiya maraykanka sida ay uga soo qaybgaleen kulankan jaaliyada ay soo diyaarisay waxayna sheegeen in ay sii xoojinayaan kaalinta ay ku leeyihiin dar-dargalinta qorshayaasha horumarka, nabadgalyada iyo hirgalinta mashaariicaha heer qaran waxayna sheegeen in ay siwayn ugu faraxsan yihiin kana marxaatikacayaan hirgalinta mashaariicaha muga way nee sida xawliga ah uga hirgalay deegaanka iyo dalkaba.