MW CMC Iyo Wafti uu Hogaaminyo Oo Si Heer Sare Ah Loogusoo Dhaweeyay Awbare

Awbare(Cakaaranews) Jumce, 11ka May, 2018. Madaxwaynaha DDSI mudane Cabdi maxamuud Cumar iyo wafti balaadhan oo uu hogaaminayo ayaa dhanka xarunta deegaanka ooga ambabaxay dhanka magaalada awbare ee gobolka faafan oo maalinta bari ah uu ka furmi doono shirwaynihii 12aad ee xukuumada DDSI iyo shacabwaynaha.

Hadaba Madaxwaynaha iyo waftiga uu hogaaminayay ayaa inta ay dhexda sii socdeen lagusoo dhawaynayay tuulooyinka wadada ku teedsan ee udhexeeya magaalada jigjiga iyo degmada awnbare, Iyagoo madaxwaynaha iyo waftigu kulamo xog iswaydaarsi ah la qaadanayay bulshada ku dhaqan tuulooyinka wadada ku teedsan ee udhaxeeya caasimada jigjiga iyo degmada awbare. Sida Geelboob, Lafaciise, Gogley Iyo Sheydheer, wuxuuna madaxwaynaha oo shacabkaas lahadlaya ku tilmaamay in shacabka deegaanka awbare ay waligood ahaayeen dad ilbax ah islamarkaana ahaayeen hadana yihiin dad aqoon yahano ah oo ay soomaalinimadu ka bilaabatay.

Dhankooda waxaa iyana ka hadlay shacabka ay madaxwaynaha iyo waftigiisu kulamada la qaadanayeen ayaa sheegay inay garabtaagnyihiin horumarka, nabadgalyada, nidaamka maamulka suuban iyo dibucurashada ay xukuumada XDSHSI muadada yar gudaheed ku hirgaliyeen, waxayna shacabka madaxwaynaha ka codsadeen in loo sameeyo biyo xidheeno waawayn oo ay uga faaiidaystaan waxsoosaarka beeraha, Sidoo kale waxaa shacabka ku dhaqan senterka lafociise ayaa madaxwaynaha iyo waftigiisa kusoo dhaweeyay calaamo qoyan iyo cagaf-cagafyada ay caanka ku yihiin oo aad utiro badan..

Ugu danbayna madaxwaynaha iyo waftigu uu hogaaminyayay ayaa soo gaadhay degmada awbare ee gobolka faafan, halkaas oo ay soo dhawayn aan loo kala hadhin iyo caleemo qoyan kusoo dhaweeyeen shacabka degmada awbare.