Mas’uuliyiin Uu Horkacayo MW Kuxigeenka Ahna Wasiirka Xaf-Caafimaadka DDSI Oo Soo Kormeeray Hospitaalka Siti Ee Deg-Gota-Biki

Gota-Biki(cakaaranews)Jumce, 11ka, May 2018. Mas’uuliyiin uu horkacayo Madaxwayne Kuxigeenka  Ahna Wasiirka Xafiiska Caafimaadka DDSI Oo Uu Waheliyo Wasiirka Xafiiska Adeega-Shacabka Iyo Horumarinta Cududa Shaqaalaha DDSI ayaa kormeer indho-indhayn ah kutagay hospitaalka wayn ee Siti Hospitaal ee kuyaala degmada Gota-Biki. kaasoo  ay mas’uuliyiintu soo indho-indheeyeen nidaamka adeeg bixinta ee hospitaalka.

Hadaba, Madaxwayne Kuxigeenka Ahna Wasiirka Xafiiska Caafimaadka DDSI Mudane Xamdi Aadan Cabdi oo warbaahinta lahadlay ayaa sheegay in maanta ay kormeer indho-indhayn ah  kutageen hospitaalka siti ee kuyaala degmada Gota-biki ee katirsan gobolka siti islamarkaana ay waraysiyo kala duwan layeesheen maareeyaha Hopitaalka, dhakhaatiirta, xirfadlayaasha iyo waliba shacbka kafaaiidaysanayay hospitalka. Wuxuuna xusay masuulku in bulshada iyo shaqaalaha hopitaalkuba aad ugu riyaaqeen dhanka adeegbixinta iyo qalabaynta hospitaalka iyo waliba sida wanaagsan  ee ay xirfadlayaasha iyo dhakhaatiirta hospitaalku ugu adeegaan bukaanka.

 MW kuxigeenka oo Hadalkiisa siiwata ayaa tilmaamay in hospitaalkan uu madaxwayanaha DDSI mudane Cabdi Mxamuud Cumar uu xadhiga kajaray 2 sano kahor islamarkaana uu yahay hospitaal loo dhamaystiray dhamaan adeegyadii uu yeelan lahaa hospitaal.

Dhankakale, maareeyaha siti hospital mudane, faysal cumar oo isna kahadlay adegbixinta hospitaalka ayaa sheegay in hopitaalku yahay mid standard ah islamarkaana uu bixiyo dhamaan adeegyadii looga baahnaa hopitaalka. Kuwaasoo ay kamid yihiin adeega bukaan jiifka (in patient), bukaan socodka, out-patiant, labrotory, qaliinka , qaybta caruurta iyo waliba qaybta hooyoooyinka

Sidookale, xirfadlayaasha iyo dhakhaatiirta oo iyana dhankooda kahadlay ayaa sheegay in hospitaalku uu bulshada u adeego 24 saac islamarkaana ay bixyaan adeeg tayo leh bulshaduna si fiican uga faaiidaysato.

Iskusoowada duuboo, kormeerkan ayaa ahaa mid ay masuuliyiintu kuxaqiijinayaan nidaamka adeeg-bixinta hospitaalka iyo waliba qanaca bulshada kafaaiidaysata