Shirwaynihii 12aad Ee wadatashiga Xukuumada Iyo Shacabwaynaha DDSI Oo Maalintii 2aad Galay

Awbare(Cakaaranews) Axad, 13ka May 2018. Shirwaynihii 12aad Shirwaynihii ee wadatashiga xukuumada DDSI  iyo shacabwaynaha oo ay kasoo qaybgaleen in kabadan 3000 oo ergooyin kakala socday 11ka gobol, 6da maamul magaalo iyo 93da degmo islamarkaana lagaga wada hadlayay horumarka nabadgalyada nidaamka maamulka suuban iyo dibucurashada ka socdey degmada awbare ee gobolka faafan ayaa Maalintii 2dii Galay.

Haddaba shirwaynaha 12aad ee wadatashiga xukuumada DDSI iyo shacabwaynaha oo ay kasoo qaybgaleen mas’uuliyiinta ugu saraysa xukuumada DDSI oo ugu horeeyo madaxwaynaha DDSI mudane Cabdi Maxamuud Cumar, afhayeenka golaha xildhibaanada mudane Maxamedrashid Isaaq, Madaxwayne Kuxigeenka ahna wasiirka xafiiska horumarinta beeraha iyo khayraadka dabiiciga marwo sucaad Axmed Faarax, Madaxwayne Kuxigeenka Ahna wasiirka xafiiska caafimaadka DDSI mudane Xamdi Aadan, wasiirada, wasiir kuxigeenada, 3000 oo ergooyin kasocdey gobolada, MM iyo degmooyinka deegaanka, odayaal dhaqameedka deegaanka, culimo owdiinka, qurbojoogta deegaanka ee ka kala yimid daafaha caalamka, kooxa fanka ee deegaanka iyo marti sharaf kale oo ka socdey somaliland.

Waxaana kulankan si kooban uga hadlay  mas’uuliyiinta ugu saraysa xukuumada DDSI oo ugu horeeyo madaxwaynaha DDSI mudane Cabdi Maxamuud Cumar, afhayeenka golaha xildhibaanada mudane Maxamedrashid Isaaq, Madaxwayne Kuxigeenka ahna wasiirka xafiiska horumarinta beeraha iyo khayraadka dabiiciga marwo sucaad Axmed Faarax, Madaxwayne Kuxigeenka Ahna wasiirka xafiiska caafimaadka DDSI mudane Xamdi Aadan oo sheegay in ka sakow guulaha dhanka horumarka ee uu deegaankani gaadhay ay xukuumadu soo hoyisay guulo waawayn oo dhanka haykalka siyaasadeed ee dalka taasoo maanta meel meeqaam sare leh uu maanta ka gaadhay iyadoo arrintaasi ay ku timid midnimada wada shaqaynta iyo wadatashiga xukuumada shacabka.

Dhanka kale kulankan oo looga wada hadalay kadib markii ay kasoo doodeen ergooyinka gobolada, degmooyinka iyo MM xaaladii xumayd ee dhanka, nabadgalyo la’aantii iyo horumar la’aantii jirtay ee uu deegaanku soomaray iyo Xaalada uu maanta deegaanku ku suganyahay iyo waliba qorshayaasha horumarineed ee mustaqbalka la hiigsanayo ee ku salaysan in bulshadeena laga saaro cadawgeena 1aad oo ah saboolnimada.

Sidoo kale waxay ergooyinka gobolada iyo MM ay soo jeediyeen waxqabadka aas-aasiga ah ee wax ka badalay nolosha bulshada oo ay XDSHSI iyo xukuumadu ka hirgaliyeen guud ahaanba deegaanka, waxayna intaa ku dareen inay sii xoojinayaaan nidaamka dawladnimo ee lagu gaadhay horumarka ka hanaqaaday deegaanka oo ay dibucurashadu kow katahay, waxayna ergooyinku si buuxda iskula qaateen islamarkaana hoosta ka xariiqeen inaysan marnaba yeelaynin cid walba oo rabta in horumarka deegaanka taako udhigta oo ay gacan bir ah ku qabanayaan islamarkaana fashilinyaan fikirada nabadiidnimo ay wataan.

Ugu danbayn kulan waynahan 12aad ee wadatashiga xukuumada DDSI iyo shacabwaynaha ayaa lagu wadaa inuu maalinta bari lasoo gaba-gabeeyo.