Degmada Yoocaale Iyo Mashaariicda Guryo Wadareedka Oo Lagu Wareejiyay Qoysaskii

Yoocaale(cakaaranews)13ka May 2018. Barnaamijka guryaynta ama dhisida guryo wadareedka ee loogu talagalay bulshada danyarta ah ayaa qayb ka ah qorshayaasha horumarineed ee ay xukuumadu qaadatay islamarkaana ay dhismahoodu kasocdaan dhamaan degmooyinka iyo maamul maagalooyinka deegaanka. Iyadoo  Maamulka degmada yoocaale ay si habsamileh udhamaystireen guryo wadareedkii sanadkan 2010 T.I  ee loogu talagalay qoysaska danyarta ah islamarkaanaa ay si bakhtiyaa nasiib ah ugu wareejiyeen.

Hadaba, Gudoomiyaha Degmada Yoocaale Mudane Cabdiqaadir Maxamed Iyo Madaxa Xafiiska Maaliyada Iyo Horumarinta Dhaqalaha deg-yoocaale Marwo Hodan Geedi oo warbaahinta lahadlay ayaa sheegay in guryahani ay ka kooban yihiin 3 gibi iyo sagaal guri islamarkaana ay qoysaskii loogu talagalay kuwareejiyeen kadib markii si bakhtiyaanasiib ah ay ugu qabteen qoysaskaas. Waxayna tilmaameen in guryahani ay yihiin kuwo sitayo leh loodhisay islamarkaana ay qaybkaqadana horumarka iyo bilicda magaalada yoocaale ee gobolka jarar.

 

Ugudanbayna, qoysaskii lagu wareejiyay guryahan oo dareenkooda kahadlay ayaa sheegay in ay aad ugu faraxsan yihiin guryo wadareedkan lagu wareejiyay. Waxayna tilmaameen in guryahan si cadaalad ah oo bakhtiyaa nasiib ah u qaateen islamarkaana ay aad ugu mahad celinayaan xukuumada DDSI iyo maamulka degmada yoocaale.