Kulan Xog Iswaydaarsi Ah Oo Kaqabsoomay Xafiiska Waxbarashada DDSI

Jigjiga(cakaaranews)Isniin, 14ka May 2018. Waxaa hoolka shirarka ee xafiiska waxbarashada DDSI kaqabsoomay kulan xog iswaydaarsi ah islamarkaana ay kasoooqayb galeen khabiiro sare oo kasocda wasaarada waxbarashada JDFI, qaarkamid ah agaasimayasha xafiiska waxbarashada, xubno kakala socday kuleejyada, macalimiinta dugsiyada MMJ, ardayda dusgsiyada iyo waliba gudiga waalidiinta waxbarashada magaalada jigjiga.

kulankan ayaa ujeedadisu ahayd xog iswadaarsi kusaabsan nidaamka maamulka suuban ee ku’aadan dhanka bahda waxbarashada heer-dugsi ilaa heer-wasaaradeed islamarkaana lagu gorfayanayay sidii loosii xoojin lahaa kudhaqanka aaladaha maamulka suuban si  waxbarashadu u noqoto mid tayaysan.

Hadaba, kulankan ayaa waxaa warbaahinta uga warbixiyay Gadhwadeenka Geedisocodka Horumarinta Dugsiyada Ee Xafiiska Waxbarashada DDSI Mudane Xuseen Maxamud Daahir oo sheegay in kulankani yahay mid lagu falanqaynayo hirgalka nidaamyada maamulka suuban islamarkaana lagu soo bandhigayay fulinta qorshayaasha waxbarashada iyadoo loo fulinayo si waafaqsan nidaamka iyo sifooyinka  maamulka suuban ee ay kamidkayihiin cadcadaanta, islaxisaabtanka, dabagalka,saraynta sharciga cadaalada iyo sinaanta. Wuxuuna intaas kudaray in kulankan lagu lafaguray tayada waxbarashada iyo sidii kor looguqaadilahaa. Waxayna khabiirada wasaarda waxbarashada federaalku sheegeen  in heerka waxbarasho ee deegaanku uu sanadkii u danbeeyay kor ukacay islamarkaana loo baahan yahay in halkaas laga sii wado laguna dhaqmo aaladaha maamulka suuban.

Iskusoowda duuboo, kulankan oo ahaa mid ay khabiirada wasaarada waxbarashada iyo kaqaybgalaayshuba kusoo bandhigeen xogo muhiim ah oo kusaabsan hirgalka nidaamka maamulka suuban ee bahda waxbarashada iyo waliba arrimha ubaahan in qorshaha lagu darsado sanadada soosocda ayaa  jawi wanaagsan kusoodhamaaday.