Xaflad Ay Soo Agaasimeen Xog Haynta Sare Ee Ururka Dhalinyarada Kacaanka Gaamuray Ee Heego Ayaa Ka Qabsoomay Xarunta Deegaanka

Jigjiga (Cakaaranews) Arbaco, 27ka June 2018. Xaflad balaadhan oo ay si heer sare ah usoo agaasimeen xog haynta sare ee ururka dhalin yarada kacaanka gaamuray ee heego oo ay kasoo qayb galeen in ka badan 2500 oo ah xubnaha dhalin yarada heego ee caasimada deegaanka ee MM jigjiga, aqoon yahanka deegaaanka, qurba joogta, odayaal dhaqameedka, kooxaha fanka iyo suugaanta ee qaran joogta iyo qurbajoogta deegaanka ayaa ka qabsoomay xarunta dhalinyarada MMJ jigjiga ee haavana.

Hadaba Xafladan oo ay xog haynta sare ee ururka dhalinyarada kacaanka heego ay ku marti qaadeen Madaxwaynaha DDSI mudane Cabdi Maxamuud Cumar oo uu marti sharaf ka ahaa ayaa ahayd mid is barasho ah islamarkaana ay dhalin yarada kacaanka heego ku muujinayeen taageerada ay u hayaan xukuumada deegaanka iyo XDSHSI, Waxayna Si dareen iyo ficil ku dheehan tahay ay ku muujiyeeen dareenkooda ku wajahan ilaalinta nidaamka dimuqraadiyada maamulka suuban dibucurashada ee ka hanaqaaday guud ahaanba deegaanka, iyagoo dhalinyaradu ruxayay calanka deegaanka iyo ka federaalka sawaxan iyo hirar cod dheer ah ku muujiyeen taageerada ay u hayaan xisbigooda iyo xukuumadooda oo ugu horeeyo madaxwaynaha DDSI  mudane Cabdi Maxamuud Cumar Waxayna dhalintan kacaanka heego wacad ku mareen in maalin iyo habeenba ay u taagan yihiin una taagnaan doonaan ilaalinta danaha shacabka ayna yihiin hirar xoogleh oo difaac u ah danaha dadka iyo neecawda nololeed ee ay midhaheeda ku indha dilaac sadeen.

Waxaa sidoo kale xafladan kaalin mugle ka qaatay oo kusoo bandhigay suugaan ka turjumaysa hadafka iyo ujeedooyinka dhalinyarada kacaanka heego kooxaha fanka iyo suugaanta deegaanka iyo fanaaniin ka timid qurbaha oo masraxa ruxay oo ka qaadeey Heeso muujinaya muhiimada iyo udub dhaxaadka ay u yihiin dhalinta kacaanka heego Ururka dhalinyarada kacaanka heego ee DDSI oo ah urur iyagu iskood isu aas aasay Kana abuurmay midhaha XDSHSI waxna ku bartay deegaanka iyo dalka ayaa gaashaan u ah ilaalinta midnimada nabad ku wada noolaansha hormarka bulsha waynta soomaalida itoobiya.

Ugu danbayn xafladan ay ay sida heerka sare ah usoo agaasimeen xog haynta sare ee ururka dhalin yarada kacaanka gaamuray ee heego ayaa si farxad iyo jawi wanaagsan ku dheehanatahay kusoo gabagaboobmay.