Xafiiska Waxbarashada DDSI Oo Tababar U Qabtay Khabiirada Iyo Dheskiyada Xafiisyada Waxbarashada Ee Degmooyinka Iyo M.M

Jigjiga(cakaaranews)1Axad, da July 2018. Waxaa xarunta deegaanka kabilawday tababar ujeedadiisu tahay kobcinta garaadka aqoomeed ee khabiirada iyo Gadhwadeenada G/socodyada ka hawlgala dhamaan xafiisyada waxbarashada ee 93 degmo iyo 6 maamul magaalo. Iyadoo tababarkana ay kaqaybgalayaashu kuqaadan doonaan casharo dheeri ah oo laxidhiidha dib uhabayn iyo casriyayn lagu smaeeyay nidaamka dabgalka waxbarashada, qorshaynta, hogaaminta waxbarashada iyo sinaanta jinsiga.

Hadaba, tababarkan aya waxaa furitaankiisii ugu horayn kahadlay Wasiirka Xafiiska Waxabarshada DDSI Mudane Ibraahim Aadan Mahad Oo sheegay in tababarkani yahay mid kuqotama kobcinta awooda fulineed ee khabiirada iyo gadhwadeenada geedisocodyada xafiisyada waxbarashada ee degmooyinka iyo Maamul magaalooyinka. Wuxuuna wasiirku intaas kudaray in tababarkani yahay sidii ay xafiisyada waxabarshada ee degmooyinku unoqon lahaayeen kuwo kubaraarugsan geedisocyada kaladuwan ee waxabarshudu kakooban tahay islamarkaana qorshaysan kara hawlkasta oo geedisocodka waxbarasho kuqotama. Si loga midho dhaliyo qorshayaasha waxbarasho ee uyaala deegaanka.  

Wasiirka oo hadalkiisa sii wata ayaa kula dardaarmay tababartayaasha in si fiiacan looga faaiidaysto mudada ay socdaan casharada  tababarku, Kadib markuu dhamaadana ay ficil kumuujiyaan islamarkaana ay sii gaadhsiiyaan degmooyinkii iyo MM ay kakala yimaadeen.

Sidookale, Gadhwadeenka G/Socodka Horumarinta Macalinta Iyo Hogaaminta Waxbarashada Ee Xafiiska Waxbarashada DDSI Mudane Cabdixakiin Maxamed Cali  oo isna tababarkan kawarbixiyay ayaa sheegay in tababarkani yahay mid lagu kobcinayo garaadka aqoomeed ee khabiirada iyo gadhwadeena waxabarshada degmooyinka iyo Maamul magalooyinka deegaanka maadaama oo ay yihiin iyagu kuwii shaqada waxbarashada gacanta ku hayay technically. Wuxuuna xusay agaasinku in tababarkani uusan ahayn kii ugu horeeyay balse laakiin uukani kaga duwanwayahay kuwii hore in tababartayaashu ay qaadanayaan casharo dheeri ah oo kuqotam nidaamka dabagalka waxbarashada iyo qorshaynta.

Iskusoowada duuboo, tababarkan oo socon doona mudo 10 cisho ah ayaa markuu dhamaado laga filayaa in kaqaybgalaayshu ay kadhaxli doonaan aqoon dheeri ah oo kor uqaada awooda fulineed ee khabiirada iyo gadhwadeenada geedispocodyada waxbarashada ee 93’da degmo iyo 6’da maamul magaalo ee deeganaku ka kooban yahay.