MW CMC iyo Waftigii Uu Hogaaminayay Oo Kusugan Magaalada Qabribayax

Qabribayax(cakaaranews)Arrbaco, 4ta July, 2018. Madaxwaynaha DDSI mudane cabdi maxamud cumar iyo waftigii balaadhnaa ee uu hogaaminayay ee kugudajiray socdaalkii la magac baxay shidaal iyo saliid ayaa maanta galinkii hore kasoo anba baxay magaalada dhagaxbuur ee xarunta gobolka jarar. Iyagoo waftigu soo maray degmada ararso iyo waliba tuulooyinka iyo senterada udhaxeeya dhagaxbuur iyo qabribayax ee ku teedsan wadada laamida ah islamarkaana ay bulshadu si balaadhan ugu soodhawaynayeen intii ay socdaalkooda kusoo jireen.

Hadaba, madaxwaynaha iyo waftigiisa ayaa intii ay soo socdeen inta udhaxaysa dhagaxbuur iyo qabribayax bulshada laqaadanayay kulamo kalduwan ugana warbixinayay socdaalkoodii shidaal iyo saliid ee ay xadhiga kaga soojareen ceelshada shidaalka ah ee deegaanka. Dhanka kale, madaxwaynaha ayaa intii ay soo socdeen kormeer indho indhayn ah kusoo maray mashruuca biyo galinta ee senterada Gila iyo Guyo kaasoo ah mashruuc biyo galin ah oo  loogu talagalay in ay ka faa’iidaystaan dadka iyo duunyaduba islamarkaana Maraya masafo dhan 50km.

Sidookale, madaxwaynaha iyo waftigiisa ayaa markii ay soogaadheen MM.Qabribayax uga sii gudbay dhanka senterka Harta-sheekha ee katirsan degmada qabribayax iyagoo halkaasna ay si wayn bulshadu ugu soo dhawaysay. Wuxuuna madaxwaynuhu kulan laqaatay bulshada kudhaqan harta-sheekha. Kulamadaas kadib ayaa madaxwaynaha iyo waftigiisu dib ugu soo laabteen dhanka magaalada qabribayax.

Iskusoowada duuboo, madaxwaynaha DDSI mudane Cabdi maxamuud cumar iyo waftigii uu hoogaaminayay ayaa wakhti xaadirkan kusugan magaalada qabribayax. Halkaas oo bulshada qaybaheda kaladuwan ee kudhaqan magaalada qabribayax ay si heer sare ah ugu soo dhaweeyeen madaxwaynaha iyo waftigiisa.