Gud.Gobolka Doolo Oo Kulan Qaabilaad Ah Layeeshay Xirfadlayaashii Caafimaadka Ee Sida Bakhtiyaanasiibka Ah Loogu Soo Shaqaaleeyay Gobolka.

wardheer(cakaaranews)Arbaco, 4ta July 2018. Dhawaan ayay ahayd markii xirfadlayaasha caafimaadka ee kaqalinjabiyay kuliyada caafmaadka ee jigjiga oo tiradoodu dhantahay 445 arday  ay xukuumadu uqabatay shaqaalaysiinta bakhtiyaanasiibka ah islamarkaana ay xirfadlayaahsu sida nasiibka ah ay gacantooda ugu qaateen. Waxaana gobolka doolo ee degmada wardheer soo gaadhay 42 xirfadle caafimaad oo kamid ahaa ardaydaas islamarkaana uu gudoomiyaha gobolka doolo layeeshay kulan qaabilaad ah.

Hadaba, kulankan qaabilaad ah oo uu hogaaminayay Gudoomiyaha Gobolka Doolo Mudane Maxamed Kaahin Xoosh ayaa sheegay in kulankani yahay mid qaabilaad ah oo ay kuqaabilaayaan xirfadlayaashii caafimaadaka ee sida bakhtiyaanasiibka ah loogu soo meelayay xarumaha iyo husbitaalada caafimaadka ee degmooyinka kaladuwan ee gobolka doolo. Wuxuuna gudoomiyuhu xusay in sidookale kulankan ay joogaan madax xafiiseedadii caafimaadka iyo gudoomiyayaashii degmooyinka gobolka doolo.

Sidookale, gudoomiyaha ayaa u mahad celiyay xirfadlyaasha caafimaadka ee soo gaadhay gobolka wuxuuna sheegay in xirfadle kasta lagaynayo xaruntii ama goobtii lagu qoray islamarkaana uu u rajaynayo shaqo wanaag.

 

Ugudanbayna, dhankooda xirfadlayaashii caafimaadka ee gobolka doolo oo dareenkooda kahadlay ayaa sheegay in ay aad ugu faraxsan yihiin inay soo gaadhaan gobolkii uu nasiibkoodu kuqoray islamarkaana ay ka go’antahay inay bulshadooda si daacad ah ugu adeegaan.