MM Qabridahar iyo Shaqo Abuurka Dadka Shaqo la,aanta Ah

Qabridahar(cakaaranews)Khamiis, 5ta July 2018. Wakaalada horumarinta waxsoosaarka warshadaha  dhexe/yaryar, shaqo abuurka iyo damaanaad qaadka cuntada MM Qabridahar oo kaashanaysa MM Qabridahar  ayaa tababar u bilaabay qaar kamaid ah bulshhada danyarta ah ee kudhaqan 11ka xaafadood ee magaalada qabridahar kuwaas oo lagu tababarayay xirfada qorida iyo goglida dhagaxa qoran ee wadooyinka ladhigo.

Hadaba, Kusimaha Maareeyaha Wakaalada Wakaalada Horumarinta Waxsoosaarka Warshadaha  Dhexe/Yaryar, Shaqo Abuurka Iyo Damaanaad Qaadka Cuntada MM Qabridahar Mudane Cabdi Fataax Soofe oo warbaahinta deegaanka lahadlay ayaa sheegay in ay tababar uqabteen bulshada danyarta ah ee kudhaqan 11ka xaafood ee mm qabridahar. kuwaas oo lagu tababarayay xirfada goglida iyo qorida dhagaxa ee looyaqaano (couple stone) wuxuuna intaas kudaray in dadkani ay isugu jiraan haween iyo dhalinyaro danyar ah islamarkaana ay tiradoodu dhantahay 70 xubnood.  Wuxuuna tilmaamay in dadkan labarayo xirfad ay kushaqaystaan oo ay kaga baxaan shaqo la’aanta islamarkaana faaiido baladhan u yeelan doonta. wuxuuna carabka kudhuftay in tababarkani uu kamid yahay dadaalada bulshada lagaga saarayo shaqo la’aanta laguna tirtirayo shaxaadka iyo ma shaqaystanimada.

Sidookale, Hogaanka Nabagalyada MM Qabridahar Mudane Fatxi Maxmuud oo isna dhankiisa kahadlay ayaa sheegay in tababarkani uu waxwayn katarayo ladagaalanka iyo tirtirida shaqo la’aanta islamarkaana dadkan hada labarayo xirfadan aysan noqondoonin shaqo la’aan waayo waxaa labaray xirfad ay kushaqaystaan. Wuxuun tilmaamay in magaalda qabridahar ay tahay magaalo si xawli ah ukobocday islamarkaana ay kasocdaan mashaariico badan oo kala duwan. Oo ay ugu horayso mashaariicaha jaamacada qabaridahar.

Ugudanbayn, bulshadii tababarkan shaqo abuurka ah qaadanaysay oo dareenkooda kahadlay ayaa sheegay in ay aad ugu faraxsan yihiin islamarkaana ay baranayaan xirfad shaqo oo muhiim ah taas oo ay kaga raysan doonaan shaqo la’aantii.