Kalfadhigii Golaha Wakiilada Shacabka JDFI Oo Si Rasmi Ah U Furmay

Adhisababa(cakaaranews)Jumce, 6da july 2018. Waxaa maanta xarunta dalka ee magaalada adhisababa si rasmi ah uga furmay kalfadhigii 5aad ee aan caadiga ahayn ee Golaha wakiilada shacabka JDFI islamarkaana uu goobjoog ka ahaa Raisal Wasaaraha JDFI Dr Abiyi Ahmed. Iyadoo kalfadhigana ay golaha wakiiladu cod-buuxa ku anisixiyeen miisaaniyada sanadka 2011T.I oo cadadkeedu dhan yahay‘’346,915,451,948’’(sadex boqol afartan iyo lix bilyan,sagaal boqol oaban iyo shan milyan, afar boqol konton iyo kow kun, sagaal boqol afartan iyo sideed birr).

Hadaba, Raisal-wasaaraha Dalka Dr abiyi axmed ayaa sheegay in miisaaniyadu kusalaysan tahay nidaamka jajabinta ee uu Golaha federeeshinka JDFI sameeyay islamarkaana uu waafaqsan yahay nidaamka dastuurka dalka iyadoo miisaaniyadan 64% oo kamid ah Loo qorsheeyay kor uqaadida adeegyada aas aasiga ah ee sida waxbarashada, caafimaadka,  biyaha nadiifta ah iyo jidadka dhaadheer iyo buundooyinka.

Sidoo kale, RW dalka Dr Abiyi Ahmed oo kahadlay deegaanada soo koraya oo  hada kahor loo yaqiinay inay yihiin 4ta dawlad deegaan ee kala ahaa: deegaanka soomaalida, canfarta, gambeelaha iyo benishangulka ayaa wuxuu raisalwasaaruhu hada kareebay deegaanka soomaalida oo uu kudaray deegaanada horumaray isagoo Raisal-wasaaruhu cadeeyay in deegaanka soomaalida itoobiya uu yahay mid khayraadkii dabiiciga ahaa ee kuduugnaa ee shidaalka iyo saliida  lasoo saaray oo guud ahaanba dalkeena kasaaraya saboolnimadii iyo waliba in deegaanku leeyahay dhul aad u balaadhan oo dihin oo waxsoosaarka kaladuwan ee beeraha kuhaboon islamarkaana  itoobiya oo dhan kufilaan kara.

Wuxuuna Raisal-wasaaruhu dhaliilay islamarkaana uu xaqiijiyay inay horumar la’aani kajirto deegaanada canfarta, gambeelaha iyo benishangulka isagoo gaar ahaan deegaanka gambeelaha iyo benishangulka kutilmaamay inay xataa  mushaarkii shaqaalaha ay bixin kariwaayeen

RW Dr Abiyi ayaa iyadana sheegay in miisaaniyada 66% oo kamid ah loo qabtay dawlad deegaanada dalka, wuxuuna masuuliyiinta xukuumada deegaanada dalka si adag ugu ladardaarmay inay dabagal iyo xakamayn adag kusameeyaan habsami u isticmaalka miisaaniyada. Islamarkaana ay deegaanaadu dhiiri geliyaan maal qabeenada dalka iyo maal gashadayaasha dalka iyo dibadaba.


ugudanbayntii, Raisal-wasaaraha ayaa bulshada wadanka ugu baaqay inay garab istaagaan shaqooyinka cusub,shaqo abuurka dhalinyarta,ladagaalanka musuqa iyo waliba in dhalinyarta lagu dhiirageliyo hawlaha tabarucaadka xagaaga si wadanka horay aan ugu wadno.