MW CMC Oo Waraysi Siiyay Warbaahinta Cakaaranews

Adhisababa(Cakaaranews) Axad, 8da Jully 2018. Madaxwaynaha DDSI mudane Cabdi Maxamuud Cumar oo kusugan xarunta dalka ee magaalada adhisababa una jooga shirar iyo shaqooyin muhiim ah oo aan galabta waraysi layeelanay islamarkaana aan wax kawaydiinay qorshaha sanadka cusub ee 2011 EC uyaala xukuumada deegaanka iyo meelaha xooga lasaarayo ayaa nooga warbixiyay. Wuxuuna ugu horayn madaxwaynuhu noo sheegay in uu sanadkani gabi ahaanba kaga duwan yahay sanadihii hore horumarka dhanka khayraadka dabiiciga ah ee uu deegaanku hodanka ku ahaa ee sida wanaagsan ee bilaa naxliga ah loo soo saaray taas oo uu madaxwaynuhu ilaahay uga mahadceliyay uguna hambalyeeyay shacabwaynaha deegaanka.

Sidoo kale madaxwaynaha ayaa xusay in dhamaanba guulo laxaad leh uu deegaanku kasoo hoyiyay qorshayaashii ay XDSHSI iyo xukuumada deegaankuba dhigteen sanadkii 2010 TI.

Hadaba madaxwayne Cabdi Maxamuud Cumar ayaa shabakada Cakaara uga warbixiyay in sanadkan cusub ee 2011 EC ay xukuumadu xooga saarayso siina xoojinayso qorshayaasha horumarineed ee kor uqaadida kaabayaasha dhaqaalaha gaar ahaan dhanka biyaha 1 ilaa 3 iyo tayayntooda, waxsoosaarka tabaca beeraha, horumarinta jidadka iyo buundooyinka, shaqo abuurka dhalinyarada, kor uqaadida tayaynta waxbarashada, caafimaadka, hirgalinta warshadaha yaryar iyo kuwa dhexe, horumarinta guriyaynta, kaqaybgalinta dumarka arimaha siyaasada, sii adkaynta xidhiidhka qurbajoogta iyo waliba qaar kaloo badan oo aan qoraalkan lagu soo koobi Karin.

Iskusoo wada duuboo, madaxwaynaha ayaa shacabwaynaha deegaanka uga mahadceliyay doorka muhiimka ah ee ay kuleeyihiin guud ahaanba horumarka iyo nabadgelyada deegaanka. Wuxuuna kubooriyay in looga baahan yahay inay sii laba jibaaraan si gabi ahaanba looga baxo saboolnimada oo ah cadawgeena 1aad.