Wadanka Sweden Iyo Jaaliyaadka Kasoojeeda Gobolka Afdheer Oo Munaasabad Heersare Ah Qabsaday

Sweden(cakaaranews)Axad, 8da July 2018. Jaaliyada DDSI ee wadanka Sweden ee gaar ahaan kasoo jeeda gobolka afdheer kana mid ah dalada guud ee jaaliyaadka DDSI ee wadamada Scandinavian’ka  ayaa yeeshay munaasabad ay si heersare ah usoo agaasimeen islamarkaana ay kumuujinayaan dareenkooda taageero ee ay lagarabtaagan yihiin waxqabadka balaadhan ee dhinacyada horumarka, nabagalyada iyo maamulka suuban ee ay xukuumada deegaanku kahirgalisay guud ahaanba deegaanka iyagoo gaar ahaan taageero wayn ka muujiyay waxqabadka heerka sare ee soosaarista shidaalka iyo saliida caydhiin islamarkaana lama filaan kutilmaamay.

Hadaba, Munaasabadan taageeraha ah ee jaaliyada Sweden ee kasoojeedaa gobolka afdheer ayaa waxaa khadaka teleefonka kala qaybgalay Wasiirka Xafiiska Ganacsiga Gaadiidka Iyo Warshadaha DDSI mudane Haaruun Yuusuf Cabdi oo ugu horayn u mahadceliyay dhamaan qurbajoogta DDSI ee kukalanool daafaha dunida gaar ahaan dalada guud ee jaaliyaadka wadamada scandenivianka. Wasiirka ayaana ugu mahadceliyay sida wanaagsan ee qurba joogtu u garab taagan tahay xukuumada DDSI ee uu majaraha uhayo XDSHSI. Wuxuuna ku booriyaay jaaliyada kasoojeeda gobolka afdheer in ay dadaalkooda kasiiwadaan halkaas.

Sidookale, waxaa isna munaasabadan khadka teleefonka kalaqaybgalay  Lataliyaha Madaxwaynaha Ee Dhanka Xalinta Cabashooyinka Ahna Wasiirka Xafiiska Qurbajoogta DDSI Mudane Cabdirisaaq Saxane Cilmi oo isna dhankiisa ugu horayn umahadceliyay dhamaan jaaliyaadka kaladuwan ee DDSI ee ku nool daafaha dunida. Wuxuuna wasiirku sheegay in waxqabadka xukuumada DDSI ee dhinacyada horumarka, nabadgalayada iyo maamulka suuban uu meelsare gaadhay islamarkaana wakhti xaadirkan lasoo saaray khayraadkii dabiiciiga ahaa ee uu deegaankeenu hodanka ku ahaa  mudada badana lasugayay taasina ay tahay guul wayn oo ubaahan in lataageero islamarkaana laga wada faaiidaysto. Wuxuuna kula dardaarmay guud ahaan qurabajoogta DDSI gaar ahaan jaaliyaadka scandeniviaanka in ay halkaas kasii wadaan  dadaalokooda taageeraha ah ee ay lagarbtaagan yihiin xukuumada iyo shacabkooda. wuxuun tilmaamay in horumarkan baaxada wayn ee deegankooda ay doorkooda kaqaataan islamarkaana ay noqdaan kuwa siwayn uga dhaxmuuqda maalgashiyada kasocda dalka iyo deegaankaba.

Iskusoowada duuboo, qurba joogta ee DDSI ee kukala sugan daafaha dunida ayaa wada taageero balaadhan oo ay kusoo dhawaynayaan waxqabadka dhinacyada badan ee xukuumada DDSI kahirgalisay deegaanka iyo waliba guusha baaxada way nee soosaarista shidaalka iyo saliida DDSI.