Magaalada Jigjiga Oo Lagu Soo dhaweeyay Waftii Uu Horkacayo Wakiilka Gaarka Ah Ee Hay’adaha Qaxootiga Ee Dalka Soomaalia

Jigjiga(cakaaranews)Isniin, 9ka July 2018. Waxaa garoonka diyaaradaha ee wiil waal ee magaalada jigjiga si diiran loogu  soo dhaweeyay Wafti uu horkacayo wakiilka gaarka ah ee hay’adaha qaxootiga dalka somaalia. Iyadoo halkaasna ay kusoo dhaweeyeen mas’uuliyiin uu horkacayo wasiirka xafiiska waxbarashada DDSI mudane Ibrahim Aadan Mahad oo uu waheliyo lataliyaha madaxwaynaha ee dhanka Hay'adaha mudane cabdi-barri.

Hadaba, soo dhawayn kadib ayaa waxaa warbaahinta lahadlay Wasiirka Xafiiska Waxbarashada DDSI Mudane Ibraahim Aadan Mahad oo sheegay in maanta ay garoonka caalamiga ah ee magaalada jigjiga kusoo dhaweeyeen wafti uu hogaaminayo mudane maxamed cabdi afey oo ah wakiilka ergayga gaarka ah ee hay’adaha qaxootiga dalka soomaalia. Wuxuuna intaas kudaray in uu aad ugu faraxsanyahay soo dhawayntan ay garoonka kusoodhaweeyeen. Wuxuuna xusay in waftigan ujeedadiisu tahay booqasho ay soo kusoo boqdeen magaalada jigjiga iyo waliba inay soo indhoindheeyaan goobaha qaxootiga soomaalia ee kuyaala DDSI. Ee ay kamidka yihiin doolo-cado iyo  malkadiido iyo waliba goobaha kale ee qaxootigu ka dagan yahay deegaankeena.

Sidookale, Wakiilka Ergayga Gaarka Ah Ee Hay’adaha Qaxootiga Dalka Soomaalia Mudane Maxamed Cabdi Afey oo isna dareenkiisa kahadlay ayaa sheegay in uu aad ugu faraxsan yahay booqashadiisan uu kuyimid xarunta deegaanka ee magaalada jigjiga iyo sida quruxda badan ee mas’uuliyiintu u soo dhawaysay. Wuxuuna sheegay in ay ujeedada booqashadoodu tahay soo indho indhoindhaynta xeryaha qaxootiga ee kuyaala DDSI ee ay martigaliyeen shacabka DDSI iyo dawlada itoobiya. isagoo umahadceliyay shacabka DDSI iyo xukuumadiisaba.

Ugudanbayna, Wuxuuna tilmaamay  in ay rabaan in xukuumada DDSI ay kawada hadlaan mashaariico laga hirgalinayo goobaha ay qaxootigu deganyihiin kuwaaso waxtar wayn uyeelan doona bulshada qaxootiga ah iyo kuwa martigaliyayba.