Ololaha Talaalka Cudurka Dabaysha Oo Kabilawday Gobolada Shabeele, Afdheer Iyo Liiban

Godey(cakaaranews)Talaado, 10ka July 2018. Waxaa xarunta gobolka shabeele ee magaalada goday kaqabsoomay Munaasabad lagu daahfurayay ololaha talaalka cudurka dabaysha ee polio’da ee wareegiisa 2aad islamarkaana lagu talaalayo caruurta da’doodu kayartahay 5ta sano. Waxaana munaasabadan kasooqaybgalay mas’uuliyiinta gobolka shabeele mas’uuliyiinta MMG, maareeyaha hospitaalka godey, mas’uuliyiin kasocday hay’adaha WHO iyo UNICEF iyo waliba hooyooyinka iyo caruurta MMG ee dadoodu kayuartahay 5tasano.

Hadaba, munaasabadan daahfurka ah ayaa waxaa ugu horayn kahadlay Gudoomiyaha Gobolka Shabeele Mudane Maxamuud Cabdi Bare Iyo Waliba Kusimaha Maayorka Mmg Mudane Cabdulaahi Mukhtaar Aadan. Waxayna kubooriyeen dhamaan waalidiinta kasooqaybgalay munaasabdan in ay kafaaiidaystaan talaalka kahortaga cudurka dabaysha islamarkaana ay caruurtooda ka talaalan cudurka dabaysha.

Sidookale, gobolada liibaan iyo afdheer ayaa iyadana waxaa si rasmi ah uga qabsoomay daahfurka ololaha talaalka kahortaga cudurka dabyasha ee polioda ee loogu talagalay caruurta dadoodu kayartahay 5ta sano  kaasoo ay dhibcihii ugu horeeyay ee talaaka ay siiyeen masuuliyiinta goboladaasi.

Iskusoowada duuboo, ololahan talaalakan ayaa ah wareegii 2aad ee talaalka ee kahortaga cudurka dabaysha ee looyaqaano polioda.