Kalfadhigii 7aad Ee Golaha 5aad Ee Baarlamaanka DDSI Oo Si Rasmi Ah Ufurmay

Jigjiga (cakaaranews)Arbaco, 11ka July 2018. Waxaa maanta xarunta deegaanka ee magaalada jigjiga si rasmi ah uga furmay kalfadhigii 7aad ee golaha 5aad ee xildhibaanada deegaanka. Iyadoo kalfadhigana ay kasooaybgaleen afhayeenka golaha xildhibaanada DDSI ahna madaxa arrimaha xisbiga ee xarunta dhexe ee XDSHSI, madaxwaynaha DDSI Mudane Cabdi Maxamuud Cumar iyo waliba dhamaan xubnaha xildhibaanada  DDSI.

Hadaba,  kalfadhigan ayaa waxaa ugu horayn furay afhayeenka golaha xildhibaanada DDSI ahna madaxa arrimaha xisbiga xarunta dhexe ee XDSHSI mudane maxamed-rashiid isaaq. kadib markii uu hubiyay in kooramka kalfadhigu buuxo. Wuxuuna afhayeenku soo bandhigay ajandayaasha ay kamidka yihiin  ansixinta warbixinta waxqabadkii sanad miisaaniyadeedka 2010 T.I, ansixinta qorshaha iyo miisaaniyada 2011,iyo waliba ajandayaal kale oo muhiim ah oo ay kamid yihiin ansixinta bayaano kaladuwan.

Iskusoowada duuboo,  kalfadhigan golaha xildhibaanada DDSI ayaa si habsamileh uga sii socda xarunta DDSI ee magalaada jigjiga.