QURBA-JOOGGA G/DHAGAXBUUR , DDS, ETHIOPIAWAQOOYIGA AMERICA
AUGUST 29, 2010
WAR SAXAAFADEED
Waxaanu la soconay Shirka Nabadoonimada ee ay hormoodka ka ahaayeen Cuqaasha iyo wax-garadka bulshada ku dhaqan G/Dhagaxbuur oo galabta lagu soo gabo-gabeeyey Xarunta Cilmi-baadhista ee dooxada Faafaneed, Dhagaxlle, Jigjiga, DDS Ethiopia.
Anagoo, hadaba, tixraacayna shirkaas waxaanu doonaynaa, marka hore, inaanu kobtan ka muujino sida aanu raali uga nahay hadafka iyo natiijooyinka shirkaas ka soo baxay. Waxaanu taageersanahay dadkii soo agaasimay, kuwii hirgaliyey iyo kuwii ka qayb-galay intaba.
Waxaanu, marka xiga, ku faraxsanahay inaanu aragno bulshada: DDS guud ahaan, gaar ahaan bulshada G/Dhaxbuur oo u dhaqaaqsan dhanka: NABADA, HORUMARKA iyo NOLOSHA tayada leh. Waxaan isleenahay waxaa halkan ku haboon inaan soo xigano erayadii Dr. Martin luther King Jr markii uu lahaa Darkness cannot drive out darkness; only light can do that. oo macneheedu yahay mugdigu kaama saari karo mugdi; iftiin umbaa kaa saari kara mugdiga. .
Waxaynu ognahay in dagaalkii iyo dadaalkii Jabhadaynta ayna meel fog ina gaadhsiin marka aan bar-bardhigno kharashkii naf-iyo-maalka lahaa ee aan galinay 50-kii sano ee ugu dambaysay. Sidaa darteed, wuxuu cagliga fiicani inoo tilmaamayaa inaan la nimaadno tabo iyo xeelado cusub oo aan kula tacaali karno xiligan la jooga si dadkeenu uga midnoqdo bulshawaynta caalamka ee ka badbaaday cidhibtirka kayimaada dagaalada, cudarada, gaajada iyo kuwa lamid ka ah.
Waxaynu ognahay in 9-ka gobol ee DDS ay Jabhadayntu ka jirto sadex ilaa afar gobol oo kaliya macneheeduna noqonayo 60-70% inay ka maqanyihiin saaxada waxa aynu ugu yeedhno Halganka . Tusaale ahaan, G/Shiniille, G/Liben iyo G/Afdheer oo ah kan ugu balaadhan dhanka masaaxada (land-mass), waxaan ku doodi karnaa inaan laga aqoonin macnaha JWXO iyo Halgankeeda hubaysan toona. Dhanka kale, G/Jigjiga waa gobolka ugu dadka badan ee ay ku taallo caasimada Jigjiga, miyeynu maqalay wax halgan ah oo ka socda?
Waxaan bulshada G/Dhagaxbuur xasuusinaynaa inay iyaga dani ugu jirto ololaha nabada ee ka aloosan DDS, sidaasi darteed waa inay gacmaha-u-furaan! Waxaa kale oo aan bulshada G/Dhagaxbuur xasuusinaynaa in ururkii ONLF inuu ku biiray ururadii fashilmay ee aan taariikhda horay ugu maqalay; wax xil ah oo iyaga si gaar ah uga saaranina ka wal-walkiisa ayna jirin. Waxaan bulshada G/Dhagaxbuur iyo bulshada DDS ku la talinaynaa inay u dhaqaaqaan dhanka: Nabda, Horumarka iyo Hal-abuurnimada (creativity).
Ugu dambayntii waxaanu munaasibada uga faa iidaysanaynaa inaanu hambalyo u diro Madaxweynaha cusub M. Cabdi Muxumed Cumar oo goob-joog ka haa shirka G/Dhagaxbuur ee maanta la soo gabagabeyey iyo madaxa gobolka Dhagaxbuur mudane Badal Xiis oo si gaar ah ah isaga xilsaarey shirkan qabsoomidiisa. Waxaa kale oo aanu halkan mahad uga celinaynaa: madaxdii kale iyo madax-dhaqameedyadii beelaha DDS ee shirkaa ka soo qayb gashay.
Gabagabadii waxaan PM Dowlada Ferdaraalka Ethiopia M Meles Zenawi iyo Madaxweynaha DDS M Cabdi Muxumed Cumar ka cadsanaynaa:
1. In cadaadiska milatari iyo kan siyaasadeedba laga qaado D/Dhagaxbuur,
2. In la siidaayo maxaabiista siyaasadeed ay ka midka yihiin caaqiliinta iyo baayac-mushtarka iyo dadka kale ee rayidka ah,
3. In ololaha nabadeed oo ay ku dheehantay niyad wanaag la siiwado, lana balaadhiyo iyadoo maskaxda lagu hayo wadiiqooyinka win-win ku waas oo horoy lagu xaliyey khilaafaadyo badan.
Mahadsanidin
Waxaa lala xidhiidhi karaa:
Maxamed Kaahin
Maxamed Q Yuusuf
Suldaan Cumar
Cabdi Bulxan
Qaman73@hotmail.com

Seattle (CakaaraNews)
Shir balaaran oo uu soo qaban qaabiyay xafiiska Jaaliyada Soomaalida Ethiopia ee Seattle, ayaa waxaa kasoo baxay baaq ay ku taageerayaan heshiisyada nabada ee ururada mucaaradka & dawlada Itoobiya ay wada galayaan.
London (CakaaraNews)
Kulan xasaasi ah ayaa Sabtidii lasoo dhaafey 4/07/10 ka dhacay safaaradda Ethiopia ay ku leedahay magaalada London kaas oo looga wada hadley qaabka wax uga socdaan dhulkii hooyo, iyo talaabooyinka ay tahay ama laga filay xukuumadd...
Seatle (CakaaraNews)
Waxaa shalay ka dhacay magalada seattle washington ee dalka maraykanka shirweyne ay soo qaban qaabiyeen jaalioyada ka soo jeeda somali galbeed ee ku dhaqan gobolka washington, shirkan wuxuu daba joogay shirar badan oo ka dhacay wa...












